Aditya Birla: బిర్లా వారసులొచ్చారు

ఆదిత్య బిర్లా ఫ్యాషన్‌ బోర్డులోకి కుమార మంగళం బిర్లా పిల్లలు

దిల్లీ: ఆదిత్య బిర్లా ఫ్యాషన్‌ అండ్‌ రిటైల్‌ (ఏబీఎఫ్‌ఆర్‌ఎల్‌) డైరెక్టర్ల బోర్డులోకి ఛైర్మన్‌ కుమార మంగళం బిర్లా పిల్లలు అనన్యశ్రీ బిర్లా, ఆర్యమన్‌ బిర్లా చేరారు. బోర్డులో వీరు అదనపు నాన్‌-ఎగ్జిక్యూటివ్‌ డైరెక్టర్లుగా వ్యవహరించనున్నారు. కంపెనీ నామినేషన్‌, రెమ్యూనరేషన్‌ కమిటీ సిఫారసుల ఆధారంగా బోర్డు ఈ నియామకాలను ఆమోదించిందని కంపెనీ ఎక్స్ఛేంజీలకు ఇచ్చిన సమాచారంలో పేర్కొంది. ఈ నియామకాలకు వాటాదార్ల ఆమోదం లభించాల్సి ఉంది. అనన్య ఏర్పాటు చేసిన మొదటి కంపెనీ స్వతంత్ర మైక్రోఫిన్‌, భారత్‌లో వేగంగా ఎదుగుతున్న సూక్ష్మరుణ సంస్థల్లో ఒకటిగా నిలిచింది. ఆర్యమన్‌కు ఎంటర్‌ప్రెన్యూర్‌షిప్‌, వీసీ పెట్టుబడులు, క్రీడల్లో అనుభవం ఉంది.