వెండి కిందకు!

కమొడిటీస్‌
ఈ వారం
బంగారం

పసిడి ఏప్రిల్‌ కాంట్రాక్టు ఈవారం రూ.57,361 కంటే పైన నిలదొక్కుకోకుంటే.. దిద్దుబాటు అయ్యేందుకు అవకాశం ఉంటుంది. అధిక స్థాయిల వద్ద లాభాల స్వీకరణ చోటుచేసుకోనుండటమే ఇందుకు కారణం. ఒకవేళ ఈ స్థాయి కంటే పైకి వెళితే రూ.58,090; రూ.58,885 వరకు రాణిస్తుందని భావించవచ్చు. అమెరికా విడుదల చేసే కీలక ఆర్థిక గణాంకాలను ట్రేడర్లు గమనించే అవకాశం ఉంది.

* ఎంసీఎక్స్‌ బుల్‌డెక్స్‌ ఫిబ్రవరి కాంట్రాక్టు ఈవారం రూ.15,789 కంటే పైన కదలాడితే సానుకూల ధోరణికి ఆస్కారం ఉంటుంది. ఒకవేళ ఈ స్థాయికి దిగువన చలిస్తే రూ.15,623కు దిగిరావచ్చు.

వెండి

వెండి మార్చి కాంట్రాక్టు ఈవారం రూ.67,364 దిగువన చలిస్తే.. మరింత కిందకు దిగిరావచ్చు. ఈ స్థాయికి పైన కదలాడితేనే తిరిగి కాంట్రాక్టు పుంజుకునేందుకు అవకాశం ఉంటుంది.

ప్రాథమిక లోహాలు

* రాగి ఫిబ్రవరి కాంట్రాక్టు ఈరోజు రూ.771 కంటే పైనే నిలదొక్కుకుంటే... రూ.784; రూ.791 వరకు సానుకూల ధోరణి కొనసాగుతుందని భావించవచ్చు.

* సీసం ఫిబ్రవరి కాంట్రాక్టు రూ.184 దిగువన బలహీనంగా కన్పిస్తోంది. రూ.188 వద్ద స్టాప్‌లాస్‌పెట్టుకొని కాంట్రాక్టును షార్ట్‌ సెల్‌ చేయడం మంచిదే.

* జింక్‌ ఫిబ్రవరి కాంట్రాక్టు ఈవారం రూ.300 కంటే పైన కదలాడకుంటే షార్ట్‌ సెల్‌ వైపు మొగ్గు చూపొచ్చు.

* అల్యూమినియం ఫిబ్రవరి కాంట్రాక్టు ఈవారం రూ.222 దిగువన కదలాడకుంటే లాంగ్‌ పొజిషన్లు తీసుకోవచ్చు. ఈ స్థాయికి దిగువన చలిస్తే... దిద్దుబాటుకు ఆస్కారం ఉంటుంది.

ఇంధన రంగం

* ముడి చమురు ఫిబ్రవరి కాంట్రాక్టు ఈవారం రూ.6,357 కంటే పైన చలించకుంటే... రూ.5,946; రూ.5,866 వరకు దిద్దుబాటు కావచ్చు. ఒకవేళ రూ.6,357ను మించితే రూ.6,425; రూ.6,715 వరకు రాణిస్తుందని భావించవచ్చు.

* సహజవాయువు ఫిబ్రవరి కాంట్రాక్టు ఈవారం రూ.191 కంటే కిందకు రాకుంటే... తిరిగి పుంజుకునే అవకాశం ఉంటుంది.

వ్యవసాయ ఉత్పత్తులు

* పసుపు  ఏప్రిల్‌ కాంట్రాక్టు ఈవారం రూ.7,346 దిగువన చలించకుంటే రూ.7,840 వరకు పెరిగే అవకాశం ఉంటుంది.

* జీలకర్ర ఫిబ్రవరి కాంట్రాక్టుకు ఈవారం రూ.34,415 ఎగువన లాంగ్‌ పొజిషన్లు తీసుకోవచ్చు. అదేవిధంగా రూ.33,333 దిగువన షార్ట్‌ సెల్‌ చేయడమూ మంచిదే.

* ధనియాలు జనవరి కాంట్రాక్టుకు ఈవారం అధిక స్థాయిల వద్ద కొంత అమ్మకాల ఒత్తిడి ఎదురయ్యే అవకాశం ఉంది.

ఆర్‌ఎల్‌పీ కమొడిటీ అండ్‌ డెరివేటివ్స్‌