జీలకర్రలో కొనుగోళ్లు

కమొడిటీస్‌ ఈ వారం

బంగారం

పసిడి ఏప్రిల్‌ కాంట్రాక్టు ఈవారం రూ.60,356 స్థాయిని అధిగమిస్తే రూ.60,879;    రూ.61,402 వరకు పెరిగే అవకాశం ఉంది. ఒకవేళ రూ.58,886 కంటే కిందకు వస్తే రూ.58,363; రూ.57,889వరకు పడిపోవచ్చు. లాంగ్‌ పొజిషన్లున్న ట్రేడర్లు   రూ.58,363కు స్టాప్‌లాస్‌ను సవరించుకుని, వాటిని కొనసాగించడం మంచిదే.

వెండి

వెండి మే కాంట్రాకుకు రూ.68,685 ఎగువన స్టాప్‌లాస్‌ పెట్టుకుని, రూ.69,665; రూ.70,004 సమీపంలో లాంగ్‌ పొజిషన్లను తీసుకోవడం మంచి వ్యూహమే అవుతుంది.

ప్రాథమిక లోహాలు

* రాగి ఏప్రిల్‌ కాంట్రాక్టు ఈరోజు రూ.772.10 ఎగువన నిలదొక్కుకుంటే..   రూ.776; రూ.788 వరకు రాణిస్తుందని భావించవచ్చు.

* సీసం ఏప్రిల్‌ కాంట్రాక్టు రూ.184.90 కంటే పైన కదలాడకుంటే, ప్రతికూల ధోరణికి అవకాశం ఉంటుంది. రూ.181 స్థాయికి దిగువన కాంట్రాక్టు బలహీనంగానే కదలాడొచ్చు.

* జింక్‌ మార్చి కాంట్రాక్టు రూ.254 దిగువన ముగిస్తే దిద్దుబాటుకు ఆస్కారం ఉంటుంది. అందువల్ల రూ.264 వద్ద స్టాప్‌లాస్‌ పెట్టుకుని షార్ట్‌ సెల్‌ పొజిషన్లు అట్టేపెట్టుకోవడం మంచిదే.

* అల్యూమినియం ఏప్రిల్‌ కాంట్రాక్టు రూ.202 కంటే దిగువన కదలాడకుంటే.. లాంగ్‌పొజిషన్లు కొనసాగించడం మేలే.

ఇంధన రంగం

* ముడి చమురు ఏప్రిల్‌ కాంట్రాక్టు  రూ.5,379 కంటే దిగువన  చలించకుంటే.. రూ.5,992; రూ.6,123 వరకు రాణిస్తుందని భావించవచ్చు. ఈ నేపథ్యంలో రూ.5,301 వద్ద స్టాప్‌లాస్‌ పెట్టుకుని కొనుగోళ్లకు మొగ్గు చూపడం మంచిదే. అదేవిధంగా రూ.5,992 కంటే పైకి వెళ్లకుంటే.. రూ.6,123 వద్ద స్టాప్‌లాస్‌ పెట్టుకుని, షార్ట్‌ సెల్‌ పొజిషన్లు తీసుకోవడం మంచి వ్యూహం అవుతుంది.

* సహజవాయువు ఏప్రిల్‌ కాంట్రాక్టు రూ.185 దిగువకు రాకుంటే కొనుగోళ్లకు మొగ్గు చూపొచ్చు.

వ్యవసాయ ఉత్పత్తులు

* పసుపు ఏప్రిల్‌ కాంట్రాక్టు రూ.6,605 కంటే దిగువన చలించకుంటే.. రూ.7,127 వరకు రాణిస్తుందని భావించవచ్చు. అందువల్ల రూ.6,598 వద్ద స్టాప్‌లాస్‌ పెట్టుకుని, ధర తగ్గినప్పుడల్లా లాంగ్‌ పొజిషన్లు తీసుకోవడం మంచి వ్యూహమే అవుతుంది.

* జీలకర్ర ఏప్రిల్‌ కాంట్రాక్టు రూ.35,976 స్థాయిని అధిగమిస్తే రూ.36,520ను పరీక్షించవచ్చు. రూ.37,063 వరకు వెళ్లే అవకాశమూ ఉంది. ఈ నేపథ్యంలో స్టాప్‌లాస్‌ను సవరించుకుని, లాంగ్‌ పొజిషన్లను అట్టేపెట్టుకోవడం మంచి వ్యూహమే అవుతుంది.

* ధనియాలు మే కాంట్రాక్టుకు, అధిక స్థాయిల వద్ద కొంత అమ్మకాల ఒత్తిడి ఎదురయ్యే అవకాశం ఉంది. రూ.6,916 వద్ద మద్దతు లభించవచ్చు. ఈ స్థాయినీ కోల్పోతే రూ.6,743 వరకు పడిపోవచ్చు.

ఆర్‌ఎల్‌పీ కమొడిటీ అండ్‌ డెరివేటివ్స్‌