రియల్‌మీ నుంచి సీ55

ఈనాడు, హైదరాబాద్‌: బడ్జెట్‌ ఫోన్ల విభాగంలో కొత్త ఫోన్‌ సీ55ని అందుబాటులోకి తీసుకొచ్చినట్లు రియల్‌మీ ప్రకటించింది. బుధవారం రియల్‌మీ గ్లోబల్‌ ప్రోడక్ట్‌ మేనేజర్‌ శ్రీహరి ఈ ఫోన్‌ను మార్కెట్లోకి విడుదల చేశారు. అత్యాధునిక ఫీచర్లతోపాటు, శక్తిమంతమైన పనితీరుతో కొత్త ఫోన్‌ను ఆవిష్కరించినట్లు తెలిపారు. 64 ఎంపీ కెమేరాతో తీసుకొచ్చినట్లు చెప్పారు. 15-16 కోట్ల స్మార్ట్‌ఫోన్ల మార్కెట్లో తమకు 14% వాటా ఉందన్నారు. మరింత విస్తరించే దిశగా కొత్త ఉత్పత్తులను తీసుకొస్తున్నట్లు పేర్కొన్నారు. దేశంలో 30,000 స్టోర్లు ఉన్నాయని, 2023 నాటికి వీటి సంఖ్యను 50,000కు పెంచాలనే లక్ష్యంతో ఉన్నట్లు తెలిపారు. సీ55లో మూడు మోడళ్లు ఉన్నాయని, ఆఫర్లు పోను రూ.9,999, రూ.11,999, రూ.12,999కు లభిస్తాయని పేర్కొన్నారు.