Flight Ticket: విశాఖ నుంచి సింగపూర్‌ విమాన టికెట్‌ రూ.6,200

ఈనాడు, హైదరాబాద్‌: చౌక విమానయాన సంస్థ స్కూట్‌ నిర్ణీత ప్రాంతాలకు తక్కువ ధరలతో ప్రయాణించే అవకాశాన్ని కల్పిస్తోంది. సింగపూర్‌ ఎయిర్‌లైన్స్‌ (ఎస్‌ఐఏ) అనుబంధ సంస్థ ఇది. విశాఖపట్నం, తిరువనంతపురం, కోయంబత్తూర్‌, తిరుచిరాపల్లి, అమృత్‌సర్‌ల నుంచి ఆగ్నేయాసియా, తూర్పు ఆసియాలోని 17 గమ్యస్థానాలకు ముందుగానే ప్రయాణం టిక్కెట్లు కొనుగోలు చేసే వారికి రాయితీ ధరల్లో టిక్కెట్లను అందిస్తున్నట్లు పేర్కొంది. కనీస టిక్కెట్‌ ధర రూ.6,200 (ఒకవైపు ప్రయాణానికి, పన్నులు అదనం) నుంచి ప్రారంభం అవుతుందని పేర్కొంది. విశాఖపట్నం నుంచి సింగపూర్‌కు టికెట్‌ ధర రూ.6,200 ఉందని ఒక ప్రకటనలో తెలిపింది. స్కూట్‌ప్లస్‌లో భాగంగా ప్రయాణికులకు 30 కిలోల చెక్‌-ఇన్‌ బ్యాగేజీ, భోజనంలాంటి ఇతర సౌకర్యాలూ అందిస్తున్నట్లు పేర్కొంది.