42% తగ్గిన గ్రాసిమ్‌ లాభం

దిల్లీ: మార్చి త్రైమాసికంలో ఆదిత్య బిర్లా గ్రూప్‌ సంస్థ గ్రాసిమ్‌ ఇండస్ట్రీస్‌ రూ.2,355.67 కోట్ల ఏకీకృత నికర లాభాన్ని ప్రకటించింది. 2021-22 ఇదే కాల లాభం రూ.4,070.46 కోట్లతో పోలిస్తే ఇది 42.12% తక్కువ. ఇదే సమయంలో మొత్తం కార్యకలాపాల ఆదాయం రూ.28,811.39 కోట్ల నుంచి రూ.33,462.14 కోట్లకు వృద్ధి చెందింది. మొత్తం వ్యయాలు రూ.25,786.54 కోట్ల నుంచి రూ.30,354.70 కోట్లకు పెరిగాయి.  

పూర్తి ఆర్థిక సంవత్సరంలో: 2022-23లో గ్రాసిమ్‌ లాభం 1.14% తగ్గి రూ.11,078.20 కోట్లుగా నమోదైంది. 2021-22లో కంపెనీ లాభం రూ.11,206.29 కోట్లుగా ఉంది. గత ఆర్థిక సంవత్సరంలో గ్రాసిమ్‌ రూ.లక్ష కోట్ల ఆదాయ మైలురాయిని సాధించింది. మొత్తం కార్యకలాపాల ఆదాయం ఏడాది వ్యవధిలో రూ.95,701.13 కోట్ల నుంచి రూ.1,17,627.08 కోట్లకు పెరిగింది. మూలధన వ్యయాలు రూ.4,307 కోట్లుగా ఉన్నాయి. 2022-23కు రూ.2 ముఖవిలువ కలిగిన ఒక్కో షేరుపై రూ.10 డివిడెండును బోర్డు సిఫారసు చేసింది