1,000 మంది మహిళా ఇంజినీర్లకు ఉద్యోగాలిస్తాం

లింగ సమానత్వం కోసమే: టాటా టెక్నాలజీస్‌  

దిల్లీ: టాటా టెక్నాలజీస్‌ ప్రస్తుత ఆర్థిక సంవత్సరంలో 1,000 మందికి పైగా మహిళా ఇంజినీర్లను నియమించుకోవాలని లక్ష్యంగా పెట్టుకుంది. తద్వారా తమ సిబ్బందిలో లింగ సమానత్వాన్ని సాధించాలని భావిస్తున్నట్లు కంపెనీ పేర్కొంది. ‘రెయిన్‌బో’ పథకం ద్వారా మరింత మంది మహిళలను తీసుకోవడంపై దృష్టి పెట్టామని, వారు విజయవంతం అయ్యేందుకు తగిన మద్దతు వ్యవస్థలనూ రూపొందించనున్నట్లు తెలిపింది. భవిష్యత్తు మహిళా నాయకులను తయారు చేయడం కోసం ‘లీడర్‌బ్రిడ్జ్‌-వింగ్స్‌’ ప్రోగ్రామ్‌పై దృష్టి పెడుతున్నట్లు వివరించింది.