కెంట్‌ నుంచి కుల్‌ బ్రైస్‌ శ్రేణి ఫ్యాన్‌లు

హైదరాబాద్‌: వాటర్‌ ప్యూరిఫైర్‌ బ్రాండ్‌గా పేరొందిన కెంట్‌ ఆర్‌ఓ తాజాగా కుల్‌ బ్రైస్‌ శ్రేణి ఫ్యాన్‌లను విడుదల చేసింది. వీటి ధరలు రూ.6999- 10,999 మధ్య ఉన్నాయి. కంపెనీ ఇప్పటికే కుల్‌ ప్లాటిన్‌, లక్సస్‌ సిరీస్‌ ఫ్యాన్‌లను విక్రయిస్తోంది. అధునాతన డిజైన్‌, ఫీచర్‌లతో కుల్‌ బ్రైస్‌ ఫ్యాన్‌లను రూపొందించినట్లు కెంట్‌ ఆర్‌ఓ తెలిపింది. ఇందులో వినియోగించిన బీఎల్‌డీసీ టెక్నాలజీతో 65% విద్యుత్‌ ఆదా అవుతుందని వెల్లడించింది. తక్కువ శబ్దం, వైఫై/ఐఓటీ ఆధారిత వినియోగం, 3 ఏరోడైనమిక్‌ బ్లేడ్‌లు, అలెక్సా/వాయిస్‌తో పనిచేయడం, రివర్స్‌ మోడ్‌ వంటి ఫీచర్లు ఇందులో ఉన్నాయని కంపెనీ వివరించింది. ఏ ఇంటికి అయినా సరికొత్త రూపును ఇవి తెస్తాయని పేర్కొంది. అమెజాన్‌, ఫ్లిప్‌కార్ట్‌ వంటి ఇ-కామర్స్‌ ప్లాట్‌ఫామ్‌లతో పాటు అన్ని అగ్రగామి గృహోపకరణాల స్టోర్‌లలో ఈ ఫ్యాన్‌లు లభిస్తున్నాయని వివరించింది.