ఓటీపీ చెప్పేస్తున్నారా? తస్మాత్ జాగ్రత్త!
డిజిటల్ చెల్లింపులు.. ఒక్క రూపాయిని ఎవరికైనా ఇవ్వాలన్నా.. ఇప్పుడు డిజిటల్లోనే బదిలీ చేసేస్తున్నారు. కొవిడ్-19 లాక్డౌన్ విధించినప్పుడు కొత్తగా ఎంతోమంది ఈ లావాదేవీలను నిర్వహించడం నేర్చుకున్నారు.
డిజిటల్ చెల్లింపులు.. ఒక్క రూపాయిని ఎవరికైనా ఇవ్వాలన్నా.. ఇప్పుడు డిజిటల్లోనే బదిలీ చేసేస్తున్నారు. కొవిడ్-19 లాక్డౌన్ విధించినప్పుడు కొత్తగా ఎంతోమంది ఈ లావాదేవీలను నిర్వహించడం నేర్చుకున్నారు. అందరికీ ఆర్థిక సేవలను అందించాలన్న ప్రభుత్వ లక్ష్యం నెరవేరడంతోపాటు, ఖాతాదారులకూ ఇది ఎంతో సౌకర్యంగా మారింది. ఎంత వేగంగా ఆర్థిక సేవలు డిజిటల్లోకి మారుతున్నాయో.. అదే సమయంలో మోసాలూ పెరిగాయి. ఎప్పటికప్పుడు కొత్త వ్యూహాలతో సైబర్ నేరగాళ్లు ప్రజల కష్టార్జితాన్ని కాజేస్తున్నారు. ఈ నేపథ్యంలో మన డబ్బును కాపాడుకునేందుకు మనమూ దానికి తగ్గట్టుగా జాగ్రత్తలు తీసుకోవాలి. అవేమిటో తెలుసుకుందాం..
ఎవరికైనా డబ్బు ఇచ్చేటప్పుడు మనం ఒకటికి రెండుసార్లు ఆ మొత్తాన్ని లెక్కిస్తాం. బ్యాంకు శాఖకు వెళ్లి, నగదు జమ చేసేటప్పుడు మన ఖాతా సంఖ్య, ఇతర వివరాలు రాసేటప్పుడు చాలా అప్రమత్తంగా ఉంటాం. కానీ, చాలామంది డిజిటల్ లావాదేవీలు నిర్వహించేటప్పుడు కనీస జాగ్రత్తలు మర్చిపోతుంటారు. మోసగాళ్లు తమ పనిని సులువుగా చేసేందుకు ఇవే కారణం అవుతున్నాయి. ఆర్బీఐ సైతం ఈ అంశాలపై ఎప్పటికప్పుడు ఖాతాదారులను అప్రమత్తం చేస్తూనే ఉంది. అయినప్పటికీ రోజూ ఎక్కడో ఒక చోట డబ్బులు పోగొట్టుకున్న కథనాలు మనం చూస్తూనే ఉన్నాం.
క్లిక్ చేసి.. వివరాలు ఇవ్వాలంటూ...
మోసం చేస్తున్నట్లు ఖాతాదారులు ఏమాత్రం గుర్తించని విధంగా మోసగాళ్లు సాంకేతికతను వినియోగించుకుంటారు. ముఖ్యంగా బ్యాంకు వెబ్సైట్లను పోలిన నకిలీ సైట్లను తయారు చేస్తారు. వాటి నుంచి మీకు ఇ-మెయిల్లో లింకులు పంపిస్తుంటారు. లేదా మొబైల్కు ఎస్ఎంఎస్ చేస్తారు. ఒకటి రెండు వివరాలు అడిగి.. మన ఖాతాను మొత్తం వారి చేతుల్లోకి తీసుకుంటారు. బ్యాంకు నుంచి ఫోన్ చేస్తున్నామంటూ చెబుతారు. మీ పేరు.. కార్డులోని చివరి నాలుగు అంకెలు చెప్పేస్తారు. నిజమేనని నమ్మి వారు అడిగిన వివరాలు ఇచ్చేస్తారు.
* మీ ఫోన్, సామాజిక వేదికల పాస్వర్డ్లు ఎవరికైనా చెబుతారా? అత్యంత రహస్యంగా భావిస్తారు కదా. మరి, బ్యాంకు ఖాతా వివరాలు అంతకన్నా సురక్షితంగా ఉంచుకోవాలి. బ్యాంకు ఖాతా, క్రెడిట్ కార్డు వివరాలు వాటి రహస్య సంఖ్యలు (పిన్), పాస్వర్డ్లు ఎవరికీ తెలియనీయొద్దు. ఒకవేళ మీ డెబిట్, క్రెడిట్ కార్డును కుటుంబంలో ఇతరులూ ఉపయోగిస్తుంటే.. తరచూ పాస్వర్డ్, పిన్ను మార్చేస్తుండాలి. వారికి అవసరం అయినప్పుడు మిమ్మల్ని అడగాలని చెప్పండి. బ్యాంకులు, ఇ-కామర్స్ వెబ్సైట్లు.. చెల్లింపుల సంస్థలు మీకు ఫోన్ చేసి, ఇ-మెయిల్ పంపి, వన్టైం పాస్వర్డ్ (ఓటీపీ)ని చెప్పాలని అడగవు. అడిగితే... మోసం అంతే,మరోమాటకు తావులేదు.
యాప్ల మాయలో పడొద్దు..
సామాజిక వేదికల్లో ప్రకటనలు కనిపిస్తూనే ఉంటాయి. చాలామంది వీటిపై నేరుగా క్లిక్ చేసేస్తుంటారు. ఇలా చేసినప్పుడు అసలు యాప్లను పోలిన నకిలీ యాప్లు ప్రత్యక్షం కావడంతోపాటు, నేరుగా మీ మొబైల్లోకి డౌన్లోడ్ అయిపోతాయి. అక్కడి నుంచి మీ మొబైల్, కంప్యూటర్లలోని సమాచారాన్ని మోసగాళ్లకు చేరవేస్తుంటాయి. కొన్నిసార్లు పూర్తిగా మొబైల్, కంప్యూటర్లను వారే స్వాధీనం చేసుకొని, మన సమాచారాన్ని తస్కరిస్తారు.మీరు ఒక ప్రకటన చూసినప్పుడు వెంటనే దాన్ని క్లిక్ చేయకుండా.. ఆ ప్రకటన ఇచ్చిన అసలు ఇ-కామర్స్ వెబ్సైట్ లేదా యాప్లోకి వెళ్లండి. మీ మొబైల్లో యాప్ ఉన్నప్పటికీ డౌన్లోడ్ అడుగుతోంది అంటే అది మోసపూరిత యాప్. ఏదైనా యాప్ను డౌన్లోడ్ చేసుకునేటప్పుడు దానిని తయారు చేసిందెవరు, డౌన్లోడ్లు ఎన్ని ఉన్నాయి అనేది చూసుకోండి. ఉదాహరణకు ప్రముఖ ఇ-కామర్స్ యాప్ల డౌన్లోడ్లు లక్షల్లో ఉంటాయి. అందుకు భిన్నంగా వందలు, వేలలో ఉన్నట్లు కనిపిస్తుంటే అనుమానించాల్సిందే. యాప్లు మీ వ్యక్తిగత సమాచారాన్ని అంటే మీ ఫోన్లో ఉన్న నెంబర్లు, ఫొటోలు, ఇతర వివరాలను ఎంత మేరకు వినియోగించుకుంటున్నాయన్నదీ చూసుకోవాలి. అవసరం లేని వాటికి అనుమతి నిరాకరించాలి.
క్యూఆర్ కోడ్తో..
మనం ఎవరికైనా డబ్బులు చెల్లించాలనుకోండి.. అప్పుడు క్యూఆర్ కోడ్ స్కాన్ చేయాల్సి ఉంటుంది. కానీ, కోడ్ పంపించి, పిన్ నమోదు చేస్తే మీ ఖాతాలో డబ్బులు జమ అవుతాయని చెప్పారంటే ఎక్కడో తేడా ఉన్నట్లే. యూపీఐ ఆధారిత యాప్ల ద్వారా మీకు డబ్బు పంపేందుకు మీ ఫోన్ నంబరు వారికి తెలిస్తే చాలు. అంతేకానీ, ప్రత్యేకంగా క్యూఆర్ కోడ్లను స్కాన్ అవసరం లేదు. ఎం-పిన్ను నమోదు చేయక్కర్లేదు.
స్నేహితుల ముసుగులో..
సామాజిక వేదికల్లో మనకు బాగా తెలిసిన వారి నుంచి అర్జంటుగా నగదు పంపాల్సిందిగా సమాచారం వస్తుంది. నిజంగా వారికి ఏమైందో అనే ఆందోళనతో డబ్బులు పంపించేస్తుంటారు. ఇటీవలి కాలంలో ఈ తరహా మోసాల సంఖ్య ఎంతో పెరిగింది.
మీకు బాగా తెలిసిన వారు డబ్బు కావాలంటే ఫోన్ చేసి అడుగుతారు. అంతేకానీ, చాటు మాటుగా సందేశాలను పంపించరు. నిజంగా వారికి ఏదైనా జరిగి ఉంటే ఆ సమాచారం మీకు తెలియకుండా ఉంటుందా? ఉన్నతాధికారుల నుంచి డబ్బు కావాలని మీకు సందేశం వచ్చే అవకాశం ఉందా? ఆలోచిస్తే చాలు. మీ డబ్బుకు రెక్కలు రావు.
లాటరీ విజేతలుగా...
లాటరీల్లో రూ. కోట్లు గెలుచుకున్నారనే వార్తలు ఇటీవల వింటున్నాం. ఉన్నంటుండి మనకూ ఇలాంటి లాటరీ వస్తే బాగుండు అని చాలామంది అనుకుంటూనే ఉంటారు. అలా వాటి గురించి తెలుసుకునే ప్రయత్నం చేస్తుంటారు. ఈ దశలోనే మోసానికి గురయ్యే అవకాశం ఉంటుంది. ఎస్ఎంఎస్, ఇ-మెయిల్లో మీరు లాటరీ గెలిచారని సందేశాలు వచ్చేస్తాయి. మీరే అని ధ్రువీకరించుకునేందుకు మీ వ్యక్తిగత సమాచారం కావాలని అడుగుతారు. ఆ డబ్బు పొందాలంటే.. ముందుగా కొంత డబ్బు చెల్లించాలంటారు. బ్యాంకు ఖాతా, క్రెడిట్ కార్డు వివరాల్లాంటివన్నీ తెలుసుకుంటారు. ఇక ఆ తర్వాత చెప్పేదేముంది?
లాటరీ టిక్కెట్టును మీరు కొనకుండానే విజేతగా ఎలా నిలుస్తారు? ఈ ఒక్క సందేహం మీకు వస్తే చాలు. ఎవరూ మీకు ఉచితంగా డబ్బు ఇవ్వరు. లాటరీ తగిలిందని, ఆర్బీఐ నిబంధనల మేరకు కేవైసీ వివరాలు కావాలని అంటే నమ్మొద్దు. ప్రజల నుంచి ఆర్బీఐ ఎలాంటి వివరాలనూ తీసుకోదు.
దొంగ సేవా కేంద్రాలు...
బ్యాంకులు, బీమా సంస్థలు, ఆధార్.. తదితర సేవా కేంద్రాలకు సంబంధించిన ఫోన్ నంబర్లు, ఇ-మెయిల్ వివరాల కోసం సెర్చ్ ఇంజిన్లలో వెతుకుతుంటారు. కొన్నిసార్లు ఈ వివరాలు సరైనవి కాకపోవచ్చు. సైబర్ నేరగాళ్లు తమ నంబర్లను ఇక్కడ ప్రముఖంగా కనిపించేలా ఏర్పాటు చేస్తుంటారు. మనం నిజమేననుకొని, ఫోన్ చేస్తాం. బ్యాంకు/బీమా సంస్థ సేవా సంస్థే కదా అనుకొని, వారు అడిగిన వివరాలన్నీ ఇచ్చేస్తాం.
మీకు అవసరమైన ఫోన్ నంబర్లు, ఇ-మెయిల్ వివరాల కోసం బ్యాంకు/ బీమా సంస్థ అధీకృత వెబ్సైటు నుంచి తీసుకోండి. సెర్చ్ ఇంజిన్లలో కనిపించే నంబర్లకు నేరుగా ఫోన్ చేయొద్దు. ఇ-మెయిల్ పంపించకూడదు. బ్యాంకులో నమోదైన ఫోన్ నుంచి సేవా కేంద్రానికి ఫోన్ చేసినప్పుడు అక్కడ వారికి అన్ని వివరాలూ ప్రత్యక్షం అవుతాయి. మీరే ఫోన్ చేస్తున్నట్లు ధ్రువీకరించుకోవడానికి.. ఆన్లైన్ ఖాతా సమయంలో మీరు ఎంపిక చేసుకున్న ప్రశ్నలకు సమాధానాలు అడిగే అవకాశం ఉంది. అంతకుమించి అడగరు. ఓటీపీలు ఎట్టి పరిస్థితుల్లోనూ పంపరు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
వాలెట్ డబ్బుతోనూ యూపీఐ చెల్లింపులు
రోజువారీ జీవితంలో యూపీఐ (యూనిఫైడ్ పేమెంట్స్ ఇంటర్ఫేస్) అంతర్భాగంగా మారింది. ఎన్పీసీఐ చొరవతో ఎన్నో సంస్థలు ఇప్పుడు ఈ సేవలను అందిస్తున్నాయి. -
గృహ రుణాలపై బ్యాంకులు వసూలు చేసే వడ్డీ రేట్లు ఇవే..
మెరుగైన క్రెడిట్ స్కోరు ఉన్నవారికి, ఇంటి రుణాలపై వివిధ బ్యాంకులు వసూలు చేసే వడ్డీ రేట్లను ఇక్కడ చూడొచ్చు. -
క్రెడిట్ కార్డు బాధ్యతగా వాడండి
మీ జేబులో ఉన్న క్రెడిట్ కార్డు.. ఒక అద్భుతమైన ఆర్థిక సాధనం. చేతిలో డబ్బు లేకపోయినా కొనుగోళ్లకు ఇబ్బంది లేకుండా ఇది ఉపయోగపడుతుంది. దీన్ని మీరు సరైన మార్గంలో ఉపయోగిస్తే.. అది మీ కోసం ఎన్నో పనులు చేస్తుంది. -
ఎఫ్డీ రేట్లు పెంచిన బజాజ్ ఫైనాన్స్.. వారికి 8.85% వరకు వడ్డీ
బజాజ్ ఫైనాన్స్ ఫిక్స్డ్ డిపాజిట్లపై వడ్డీ రేట్లు పెంచింది. సీనియర్ సిటిజన్లకు గరిష్ఠంగా 8.85 శాతం, సాధారణ పౌరులకు 8.6 శాతం వడ్డీ అందిస్తోంది. -
‘అమృత్ కలశ్’ గడువు మరోసారి పెంపు.. ఎప్పటి వరకంటే?
SBI news: స్టేట్ బ్యాంక్ ఆఫ్ ఇండియా తన ‘అమృత్ కలశ్’ డిపాజిట్ పథకం గడువును మరోమారు పొడిగించింది. -
విదేశీ విద్యా రుణాలు, వివిధ అంశాల గురించి తెలుసుకోండి?
విద్యార్థులు విదేశీ చదువుకు..రుణ సంస్థల నుంచి పొందే ఆర్థిక సహాయంతో పాటు కొన్ని ముఖ్యమైన ఇతర అంశాల గురించి తెలుసుకోవాలి, అవేంటో ఇక్కడ చూడండి. -
రుణాలు.. తొందరగా తీర్చేద్దాం
అవసరానికి అప్పు చేయడం కొన్నిసార్లు తప్పకపోవచ్చు. తీసుకున్న రుణాన్ని తొందరగా తీర్చేయడమే ఆర్థిక క్రమశిక్షణ. వ్యక్తిగత రుణాలు, క్రెడిట్ కార్డులు.. ఇలా సులభంగా రుణం దొరికే మార్గాలున్న రోజుల్లో మన వద్ద లేని డబ్బును ఖర్చు చేసేప్పుడు ఆలోచించాల్సిందే. -
రూపే కార్డు వాడుతున్నారా? యూపీఐ యాప్ ద్వారా ఇక EMIగా మార్చుకోవచ్చు!
రూపే క్రెడిట్ కార్డు వాడుతున్న వారికి కొత్త ఫీచర్లు అందుబాటులోకి రానున్నాయి. యూపీఐ యాప్లో త్వరలో కొన్ని కొత్త ఫీచర్లు పలకరించబోతున్నాయి. -
బ్యాంకుల్లో లేటెస్ట్ ఫిక్స్డ్ డిపాజిట్ వడ్డీ రేట్లు ఇవే!
చాలా ప్రభుత్వ, ప్రైవేట్ రంగ బ్యాంకులు ఫిక్స్డ్ డిపాజిట్లపై ఆకర్షణీయమైన వడ్డీ రేట్లను అందజేస్తున్నాయి. -
డెబిట్ కార్డు ఛార్జీలను పెంచిన ఎస్బీఐ
డెబిట్ కార్డులపై నిర్వహణ ఛార్జీలను ప్రభుత్వ రంగ బ్యాంకింగ్ దిగ్గజం స్టేట్ బ్యాంక్ ఆఫ్ ఇండియా (ఎస్బీఐ) సవరించింది. కొత్త ఛార్జీలు ఏప్రిల్ 1 నుంచి అమల్లోకి రానున్నాయి. -
అనధికారిక లావాదేవీలపై యూజర్ల ఆందోళన.. స్పందించిన యాక్సిస్ బ్యాంక్
యాక్సిస్ బ్యాంకు కస్టమర్లు కొందరు తమ క్రెడిట్ కార్డుల్లో అనధికారిక లావాదేవీలు జరుగుతున్నట్లు సామాజిక మాధ్యమాల్లో పోస్టులు పెడుతున్నారు. దీనిపై బ్యాంక్ స్పందించింది. -
Flash Pay: కీ చైన్తో పేమెంట్స్.. ఫెడరల్ బ్యాంక్ నుంచి ఫ్లాష్ పే
Federal Bank flash pay: ఫెడరల్ బ్యాంక్ స్మార్ట్ కీ చైన్ను తీసుకొచ్చింది. కాంటాక్ట్ లెస్ పేమెంట్ల కోసం దీన్ని వినియోగించుకోవచ్చు. -
పిల్లల పేరిట ఎఫ్డీ
పెట్టుబడికి రక్షణ, రాబడికి హామీ ఉన్న పథకాల్లో ఫిక్స్డ్ డిపాజిట్లు (ఎఫ్డీ) ముందుంటాయి. పిల్లల చదువులు, ఇతర అవసరాల కోసం పెట్టుబడి పెట్టాలనుకుంటున్న తల్లిదండ్రులు వీటికి ప్రాధాన్యం ఇస్తుంటారు -
సిబిల్ నివేదికలో తప్పులుంటే
రుణం తీసుకోవాలంటే.. బ్యాంకులు ముందుగా పరిశీలించేది క్రెడిట్ నివేదికనే. ఇందులో ఎలాంటి తప్పులూ దొర్లకుండా మనం జాగ్రత్తలు తీసుకోవాలి. లేకపోతే మనకు అవసరం ఉన్నప్పుడు రుణం కోసం వెళ్తే దరఖాస్తును తిరస్కరించే అవకాశం ఉంది. -
Personal Loans: వ్యక్తిగత రుణాల వడ్డీ రేట్లు ఎలా ఉన్నాయ్?
ప్రస్తుతం అన్ని బ్యాంకులు వ్యక్తిగత రుణాలను అందిస్తున్నాయి. వివిధ బ్యాంకులు వసూలు చేసే వడ్డీ రేట్లు ఎంతెంతో ఇక్కడ చూద్దాం... -
Home loan: జీరో ప్రాసెసింగ్ ఫీజు.. 8.3% వడ్డీకే హోమ్లోన్
Bank of India home loan offer: బ్యాంక్ ఆఫ్ ఇండియా గృహ రుణాలపై వడ్డీ తగ్గించింది. ప్రాసెసింగ్ ఫీజు సైతం రద్దు చేసింది. మార్చి 31 వరకు ఈ ఆఫర్ ప్రకటించింది. -
ప్రత్యేక ఎఫ్డీలను ప్రారంభించిన నార్త్ ఈస్ట్ స్మాల్ ఫైనాన్స్ బ్యాంక్
నార్త్ ఈస్ట్ స్మాల్ ఫైనాన్స్ బ్యాంకులో ప్రత్యేక ఫిక్స్డ్ డిపాజిట్లపై గరిష్ఠంగా 9.25% వడ్డీ వరకు పొందొచ్చు. -
Credit Card: క్రెడిట్ కార్డును పరిమితికి మించి వాడుకోవచ్చా?
Credit Card: క్రెడిట్ వాడకంపై తరచూ ఎదురయ్యే కొన్ని కీలక సందేహాలకు ఇటీవల ఆర్బీఐ సమాధానాలు ఇచ్చింది. అవేంటో చూద్దాం..! -
వ్యక్తిగత రుణాలు మోసాల బారిన పడొద్దు
ఎలాంటి హామీ లేకుండా లభించే వ్యక్తిగత రుణాలు అవసరమైనప్పుడు ఎంతో ఉపయోగపడతాయి. మన అవసరాలను ఆసరాగా తీసుకొని, సైబర్ మోసగాళ్లు మన కష్టార్జితాన్ని కాజేసేందుకు సిద్ధంగా ఉంటారు. -
Gold Loans: బంగారు రుణాలపై వడ్డీ రేట్లు ఏ బ్యాంకులో ఎంతెంత?
సురక్షితమైన రుణం కాబట్టి బ్యాంకులు బంగారంపై సరసమైన వడ్డీ రేట్లకు వేగంగా రుణాలందిస్తున్నాయి. వివిధ బ్యాంకులు వసూలుచేసే వడ్డీ రేట్లు ఇక్కడ చూద్దాం.. -
FD Rates: సీనియర్ సిటిజన్ల ఎఫ్డీలపై వడ్డీ రేట్లు ఇవే..
చాలా ప్రభుత్వ, ప్రైవేట్ రంగ బ్యాంకులు సీనియర్ సిటిజన్లకు అత్యధిక వడ్డీ రేటును అందిస్తున్నాయి. 1, 3, 5 ఏళ్ల ఎఫ్డీలపై వడ్డీ రేట్లను ఇక్కడ చూడండి.
తాజా వార్తలు (Latest News)
-
వైకాపా నేతల సిఫార్సులతో పోస్టు.. మహిళా ఉద్యోగినులతో వెకిలి చేష్టలు
-
విశాఖ-బెంగళూరు మధ్య ప్రత్యేక రైలు
-
ఒలింపిక్స్లో పతకం తెస్తే బీఎండబ్ల్యూ కారు
-
పెళ్లి ఘట్టం.. క్యూఆర్ కోడ్లో నిక్ష్లిప్తం
-
పిల్లలతో అశ్లీల వీడియోలు తీయడం ఆందోళనకరం, నేరం : సుప్రీంకోర్టు
-
వివేకా హత్యలో నాపై రెండు క్రిమినల్ కేసులు.. అఫిడవిట్లో పేర్కొన్న అవినాష్రెడ్డి