గృహరుణం తీసుకోవాలా? వేచి చూడాలా?
భారతీయ రిజర్వు బ్యాంకు కీలక వడ్డీ రేటును పెంచలేదు. అప్పు తీసుకున్న, తీసుకోబోయే వారికి ఇది కొంత ఉపశమనం కలిగించినప్పటికీ.. ఈ విరామం ఎంత కాలం ఉంటుందనే విషయంలో అనిశ్చితి కొనసాగుతోంది.
భారతీయ రిజర్వు బ్యాంకు కీలక వడ్డీ రేటును పెంచలేదు. అప్పు తీసుకున్న, తీసుకోబోయే వారికి ఇది కొంత ఉపశమనం కలిగించినప్పటికీ.. ఈ విరామం ఎంత కాలం ఉంటుందనే విషయంలో అనిశ్చితి కొనసాగుతోంది. రుణాలు ఖరీదైనప్పుడు రుణగ్రహీతలకు కొన్ని సవాళ్లు ఎదురవుతాయి. వారి రుణ అర్హత తగ్గుతుంది. ఫలితంగా కొనే ఇంటి విస్తీర్ణంపై ప్రభావం పడొచ్చు. ప్రస్తుత పరిస్థితుల్లో గృహరుణం తీసుకోవాలా? మరికొంత కాలం వేచి చూడాలా? అనే ఆలోచన చాలామందిలో ఉంటుంది. దీనికి సమాధానాలు తెలుసుకునే ప్రయత్నం చేద్దాం.
వార్షిక రిటైల్ ద్రవ్యోల్బణం మార్చిలో 5.66 శాతానికి తగ్గింది. అంతకు క్రితం నెలలో 6.44 శాతంతో పోలిస్తే ఇది 15 నెలల కనిష్ఠ స్థాయికి చేరుకుంది. ఈ ద్రవ్యోల్బణ కదలికలను ఆర్బీఐ పరిశీలిస్తూనే ఉంటుంది. రాబోయే ద్రవ్య విధాన సమీక్ష నాటికి వడ్డీ రేట్లలో దిద్దుబాటు చర్యలు తీసుకోవచ్చు. కాబట్టి, ఇప్పటికే ఇంటి కొనుగోలుకు సిద్ధం అయితే.. వడ్డీ రేట్లలో హెచ్చుతగ్గులు ఉంటాయని గమనించండి. గృహరుణాలు సాధారణంగా చలన వడ్డీ విధానంలో ఉంటాయి. రెపో రేటు మారినప్పుడల్లా ఇవి మారిపోతూ ఉంటాయి. కాబట్టి, రుణాల వడ్డీ రేటు గురించి ఆలోచించకుండా.. వ్యక్తిగతంగా సిద్ధమవ్వాలి. కొంచెం ప్రణాళికతో ముందుకెళ్తే ఇంటి యజమాని కావాలనే కలను సాకారం చేసుకోవచ్చు.
ఆర్థిక ఆరోగ్యం బాగుందా?
కొత్తగా రుణం తీసుకునే వారు పరిశీలించాల్సిన ముఖ్యమైన విషయం ఆర్థికంగా స్థిరంగా ఉన్నారా లేదా అని. గృహరుణం దీర్ఘకాలం కొనసాగుతుంది. కాబట్టి, నెలవారీ చెల్లింపుల విషయంలో ఎలాంటి ఇబ్బందీ లేదనే విషయాన్ని తెలుసుకోండి. రుణం సాధారణంగా ఇంటి విలువలో 75-80శాతం వరకూ లభిస్తుంది. స్టాంప్ డ్యూటీ, రిజిస్ట్రేషన్ వంటి ఇతర ఖర్చులూ ఉంటాయి. వీటన్నింటినీ లెక్కలోకి తీసుకుంటే.. ఆస్తి విలువలో కనీసం 30-40 శాతం వరకూ మీరు భరించాల్సి ఉంటుంది. మిగిలిన మొత్తం రుణం ద్వారా పొందవచ్చు. మీరు ఆర్థికంగా బలంగా లేకపోయినా, మార్జిన్ మొత్తం తక్కువగా ఉన్నా రుణం తీసుకునే విషయాన్ని మరోసారి ఆలోచించాలి. మెరుగైన ఆర్థిక స్థితికి చేరేంత వరకూ సొంతింటి నిర్ణయాన్ని వాయిదా వేయాలి.
స్కోరు బాగుందా?
రుణ వడ్డీ రేట్లను ఇప్పుడు క్రెడిట్ స్కోరుతో ముడి పెడుతున్నాయి బ్యాంకులు. మీకు మంచి క్రెడిట్ స్కోరుంటే.. వడ్డీలో రాయితీ లభిస్తుంది. దీర్ఘకాలంలో ఇది మీ డబ్బును ఆదా చేస్తుంది. మీ క్రెడిట్ స్కోరు పేలవంగా ఉంటే.. అధిక వడ్డీ రేటును చెల్లించాల్సి వస్తుంది. ఇది మీ రుణాన్ని మరింత ఖరీదైనదిగా మారుస్తుంది. 750 పాయింట్లకు మించి స్కోరుంటే సులభంగా రుణాలు లభిస్తాయి. రుణగ్రహీత ఇప్పటికే తీసుకున్న రుణాలను క్రమం తప్పకుండా చెల్లిస్తూ ఉంటే.. బ్యాంకులు తక్కువ స్కోరునూ పరిగణనలోకి తీసుకుంటాయి. క్రెడిట్ స్కోరు బాగుంటే రుణం పొందే అవకాశాలు మెరుగ్గా ఉండటంతోపాటు, వడ్డీ రేట్ల కోసం చర్చించే వీలూ ఉంటుంది. రుణం కోసం దరఖాస్తు చేసే ముందు మీ క్రెడిట్ స్కోరు మంచి స్థితిలో ఉందో లేదో స్వయంగా తెలుసుకునే ప్రయత్నం చేయండి.
వడ్డీ తగ్గితే..
సమీప భవిష్యత్తులో వడ్డీ రేట్లు తగ్గుతాయని అనుకుందాం. కానీ, ఇది ఎప్పుడన్నది ఊహించలేం. ప్రస్తుతం వడ్డీ రేట్లు ఎక్కువగానే ఉన్నాయి. ద్రవ్యోల్బణం ఆర్బీఐ సహన స్థాయిలోనే ఎక్కువ కాలం కొనసాగితే వడ్డీ రేట్లను తగ్గించవచ్చు. మీరు ఇల్లు కొనాలని నిర్ణయం తీసుకుంటే.. వడ్డీ రేట్లు తగ్గే వరకూ వేచి చూడాల్సిన అవసరం లేదు. మీరు చలన వడ్డీ విధానంలోనే రుణం తీసుకుంటారు. కాబట్టి, రెపో రేటు తగ్గినప్పుడల్లా దానికి అనుసంధానంగా ఉన్న గృహరుణంపై వడ్డీ తగ్గుతుంది. కాబట్టి, ఇబ్బందేమీ ఉండదు.
చర్చించండి..
బ్యాంకు లేదా గృహరుణ సంస్థను సంప్రదించే ముందు మీరు కొంత పరిశోధన చేయండి. వడ్డీ రేట్లను పోల్చి చూసుకోండి. మీకు వర్తించే వడ్డీ రేటును నిర్ణయించడంలో క్రెడిట్ స్కోరు కీలకం. దీనితోపాటు మీకు స్థిరమైన ఆదాయం, రుణ-ఆదాయ నిష్పత్తి తక్కువగా ఉన్నప్పుడు రాయితీ వడ్డీకి రుణం వచ్చే అవకాశాలు అధికంగా ఉంటాయి. మీరు దీర్ఘకాలంగా ఖాతాను కొనసాగిస్తున్న బ్యాంకులో రుణం తీసుకునే ప్రయత్నం చేయొచ్చు. మీ ఆర్థిక వివరాలన్నీ వారి దగ్గరే ఉంటాయి. కాబట్టి, రుణం తీసుకునేటప్పుడు అది కొంత సహాయం చేస్తుంది.
తొందరపాటుతో నిర్ణయాలు తీసుకోవద్దు. కొంచెం సమయాన్ని వెచ్చించి అన్ని లెక్కలూ వేసుకోండి. ఆ తర్వాతే రుణానికి దరఖాస్తు చేయండి.
వడ్డీ రేట్లు గరిష్ఠ స్థాయిలో ఉన్నప్పుడు రుణం తీసుకోవాలా, వేచి చూడాలా అనేది మీ ఆర్థిక పరిస్థితిపైనే ఆధారపడి ఉంటుంది. ముందే అనుకున్నట్లు ఎలాంటి ఇబ్బందీ లేకుండా 10-20 ఏళ్లపాటు నిరంతరాయంగా వాయిదాలను చెల్లిస్తాను అనుకున్నప్పుడే గృహరుణం తీసుకోవడం శ్రేయస్కరం.
ధరలు పెరుగుతాయి..
మీరు ఇల్లు కొనాలనుకునే ప్రదేశంలో మెరుగైన వసతులు ఉంటే.. ఇల్లు కొనుగోలు గురించి వేచి చూడటంలో అర్థం లేదు. ఎందుకంటే.. అక్కడ స్థిరాస్తుల ధరలు ఎప్పటికప్పుడు పెరుగుతూ ఉంటాయి. మీరు ఆలస్యం చేస్తే ఇల్లు కొనడం మరింత ఆర్థిక భారం అవుతుంది. వడ్డీ రేట్లు తగ్గే వరకూ స్థిరాస్తుల ధరలు ఎదురు చూడవు. వడ్డీ రేటు తగ్గినా, ఆస్తి ధర పెరిగితే.. మీకు భారం తప్ప ప్రయోజనం ఉండదు.
అధిల్ శెట్టి, సీఈఓ, బ్యాంక్బజార్
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఐసీఐసీఐ, యెస్ బ్యాంక్లో మే 1 నుంచి కొత్త సర్వీస్ ఛార్జీలు!
Bank charges: సేవింగ్స్ ఖాతాకు సంబంధించిన పలు సేవలపై విధించే ఛార్జీలను ఐసీఐసీఐ, యెస్ బ్యాంకులు సవరించాయి. మే 1 నుంచి ఇవి అమల్లోకి రానున్నాయి. -
ఆర్డీలపై వివిధ బ్యాంకులు ఆఫర్ చేసే వడ్డీ రేట్లు ఇవే..
దేశంలో దాదాపు అన్ని బ్యాంకులు రికరింగ్ డిపాజిట్ అందిస్తున్నాయి. ఈ ఆర్డీలపై వివిధ బ్యాంకుల్లో వడ్డీ రేట్లు ఎంతెంత ఉన్నాయో ఇక్కడ చూడండి. -
వాలెట్ డబ్బుతోనూ యూపీఐ చెల్లింపులు
రోజువారీ జీవితంలో యూపీఐ (యూనిఫైడ్ పేమెంట్స్ ఇంటర్ఫేస్) అంతర్భాగంగా మారింది. ఎన్పీసీఐ చొరవతో ఎన్నో సంస్థలు ఇప్పుడు ఈ సేవలను అందిస్తున్నాయి. -
గృహ రుణాలపై బ్యాంకులు వసూలు చేసే వడ్డీ రేట్లు ఇవే..
మెరుగైన క్రెడిట్ స్కోరు ఉన్నవారికి, ఇంటి రుణాలపై వివిధ బ్యాంకులు వసూలు చేసే వడ్డీ రేట్లను ఇక్కడ చూడొచ్చు. -
క్రెడిట్ కార్డు బాధ్యతగా వాడండి
మీ జేబులో ఉన్న క్రెడిట్ కార్డు.. ఒక అద్భుతమైన ఆర్థిక సాధనం. చేతిలో డబ్బు లేకపోయినా కొనుగోళ్లకు ఇబ్బంది లేకుండా ఇది ఉపయోగపడుతుంది. దీన్ని మీరు సరైన మార్గంలో ఉపయోగిస్తే.. అది మీ కోసం ఎన్నో పనులు చేస్తుంది. -
ఎఫ్డీ రేట్లు పెంచిన బజాజ్ ఫైనాన్స్.. వారికి 8.85% వరకు వడ్డీ
బజాజ్ ఫైనాన్స్ ఫిక్స్డ్ డిపాజిట్లపై వడ్డీ రేట్లు పెంచింది. సీనియర్ సిటిజన్లకు గరిష్ఠంగా 8.85 శాతం, సాధారణ పౌరులకు 8.6 శాతం వడ్డీ అందిస్తోంది. -
‘అమృత్ కలశ్’ గడువు మరోసారి పెంపు.. ఎప్పటి వరకంటే?
SBI news: స్టేట్ బ్యాంక్ ఆఫ్ ఇండియా తన ‘అమృత్ కలశ్’ డిపాజిట్ పథకం గడువును మరోమారు పొడిగించింది. -
విదేశీ విద్యా రుణాలు, వివిధ అంశాల గురించి తెలుసుకోండి?
విద్యార్థులు విదేశీ చదువుకు..రుణ సంస్థల నుంచి పొందే ఆర్థిక సహాయంతో పాటు కొన్ని ముఖ్యమైన ఇతర అంశాల గురించి తెలుసుకోవాలి, అవేంటో ఇక్కడ చూడండి. -
రుణాలు.. తొందరగా తీర్చేద్దాం
అవసరానికి అప్పు చేయడం కొన్నిసార్లు తప్పకపోవచ్చు. తీసుకున్న రుణాన్ని తొందరగా తీర్చేయడమే ఆర్థిక క్రమశిక్షణ. వ్యక్తిగత రుణాలు, క్రెడిట్ కార్డులు.. ఇలా సులభంగా రుణం దొరికే మార్గాలున్న రోజుల్లో మన వద్ద లేని డబ్బును ఖర్చు చేసేప్పుడు ఆలోచించాల్సిందే. -
రూపే కార్డు వాడుతున్నారా? యూపీఐ యాప్ ద్వారా ఇక EMIగా మార్చుకోవచ్చు!
రూపే క్రెడిట్ కార్డు వాడుతున్న వారికి కొత్త ఫీచర్లు అందుబాటులోకి రానున్నాయి. యూపీఐ యాప్లో త్వరలో కొన్ని కొత్త ఫీచర్లు పలకరించబోతున్నాయి. -
బ్యాంకుల్లో లేటెస్ట్ ఫిక్స్డ్ డిపాజిట్ వడ్డీ రేట్లు ఇవే!
చాలా ప్రభుత్వ, ప్రైవేట్ రంగ బ్యాంకులు ఫిక్స్డ్ డిపాజిట్లపై ఆకర్షణీయమైన వడ్డీ రేట్లను అందజేస్తున్నాయి. -
డెబిట్ కార్డు ఛార్జీలను పెంచిన ఎస్బీఐ
డెబిట్ కార్డులపై నిర్వహణ ఛార్జీలను ప్రభుత్వ రంగ బ్యాంకింగ్ దిగ్గజం స్టేట్ బ్యాంక్ ఆఫ్ ఇండియా (ఎస్బీఐ) సవరించింది. కొత్త ఛార్జీలు ఏప్రిల్ 1 నుంచి అమల్లోకి రానున్నాయి. -
అనధికారిక లావాదేవీలపై యూజర్ల ఆందోళన.. స్పందించిన యాక్సిస్ బ్యాంక్
యాక్సిస్ బ్యాంకు కస్టమర్లు కొందరు తమ క్రెడిట్ కార్డుల్లో అనధికారిక లావాదేవీలు జరుగుతున్నట్లు సామాజిక మాధ్యమాల్లో పోస్టులు పెడుతున్నారు. దీనిపై బ్యాంక్ స్పందించింది. -
Flash Pay: కీ చైన్తో పేమెంట్స్.. ఫెడరల్ బ్యాంక్ నుంచి ఫ్లాష్ పే
Federal Bank flash pay: ఫెడరల్ బ్యాంక్ స్మార్ట్ కీ చైన్ను తీసుకొచ్చింది. కాంటాక్ట్ లెస్ పేమెంట్ల కోసం దీన్ని వినియోగించుకోవచ్చు. -
పిల్లల పేరిట ఎఫ్డీ
పెట్టుబడికి రక్షణ, రాబడికి హామీ ఉన్న పథకాల్లో ఫిక్స్డ్ డిపాజిట్లు (ఎఫ్డీ) ముందుంటాయి. పిల్లల చదువులు, ఇతర అవసరాల కోసం పెట్టుబడి పెట్టాలనుకుంటున్న తల్లిదండ్రులు వీటికి ప్రాధాన్యం ఇస్తుంటారు -
సిబిల్ నివేదికలో తప్పులుంటే
రుణం తీసుకోవాలంటే.. బ్యాంకులు ముందుగా పరిశీలించేది క్రెడిట్ నివేదికనే. ఇందులో ఎలాంటి తప్పులూ దొర్లకుండా మనం జాగ్రత్తలు తీసుకోవాలి. లేకపోతే మనకు అవసరం ఉన్నప్పుడు రుణం కోసం వెళ్తే దరఖాస్తును తిరస్కరించే అవకాశం ఉంది. -
Personal Loans: వ్యక్తిగత రుణాల వడ్డీ రేట్లు ఎలా ఉన్నాయ్?
ప్రస్తుతం అన్ని బ్యాంకులు వ్యక్తిగత రుణాలను అందిస్తున్నాయి. వివిధ బ్యాంకులు వసూలు చేసే వడ్డీ రేట్లు ఎంతెంతో ఇక్కడ చూద్దాం... -
Home loan: జీరో ప్రాసెసింగ్ ఫీజు.. 8.3% వడ్డీకే హోమ్లోన్
Bank of India home loan offer: బ్యాంక్ ఆఫ్ ఇండియా గృహ రుణాలపై వడ్డీ తగ్గించింది. ప్రాసెసింగ్ ఫీజు సైతం రద్దు చేసింది. మార్చి 31 వరకు ఈ ఆఫర్ ప్రకటించింది. -
ప్రత్యేక ఎఫ్డీలను ప్రారంభించిన నార్త్ ఈస్ట్ స్మాల్ ఫైనాన్స్ బ్యాంక్
నార్త్ ఈస్ట్ స్మాల్ ఫైనాన్స్ బ్యాంకులో ప్రత్యేక ఫిక్స్డ్ డిపాజిట్లపై గరిష్ఠంగా 9.25% వడ్డీ వరకు పొందొచ్చు. -
Credit Card: క్రెడిట్ కార్డును పరిమితికి మించి వాడుకోవచ్చా?
Credit Card: క్రెడిట్ వాడకంపై తరచూ ఎదురయ్యే కొన్ని కీలక సందేహాలకు ఇటీవల ఆర్బీఐ సమాధానాలు ఇచ్చింది. అవేంటో చూద్దాం..! -
వ్యక్తిగత రుణాలు మోసాల బారిన పడొద్దు
ఎలాంటి హామీ లేకుండా లభించే వ్యక్తిగత రుణాలు అవసరమైనప్పుడు ఎంతో ఉపయోగపడతాయి. మన అవసరాలను ఆసరాగా తీసుకొని, సైబర్ మోసగాళ్లు మన కష్టార్జితాన్ని కాజేసేందుకు సిద్ధంగా ఉంటారు.
తాజా వార్తలు (Latest News)
-
అత్యాచారం కేసు.. హాలీవుడ్ నిర్మాత హార్వే వేన్స్టీన్కు ఊరట
-
VI 2.0కు నాంది.. మళ్లీ పుంజుకొంటాం: కుమార మంగళం బిర్లా
-
ఈనాడు.నెట్లో టాప్ 10 వార్తలు @ 9PM
-
ముయిజ్జు పార్టీకి ‘సూపర్ మెజార్టీ’.. భారత్ స్పందనిదే...
-
ఎట్టకేలకు తెలుగులో ‘OMG2’.. స్ట్రీమింగ్ ఎక్కడంటే?
-
టెక్ మహీంద్రా లాభంలో 41 శాతం క్షీణత.. ఒక్కో షేరుపై రూ.28 డివిడెండ్