స్కార్పియో- ఎన్‌ ధరల శ్రేణి రూ.15.45 లక్షలు- 21.45 లక్షలు

తొలి 20,000 బుకింగ్‌లకే

ముంబయి: మహీంద్రా అండ్‌ మహీంద్రా తన కొత్త స్కార్పియో- ఎన్‌ ఎస్‌యూవీ (ఆటోమేటిక్‌, 4 వీల్‌డ్రైవ్‌)కి పరిచయ ధరలను బుధవారం ప్రకటించింది. తొలి 20,000 బుకింగ్‌లకు ధరల శ్రేణి రూ.15.45 లక్షల నుంచి రూ.21.45 లక్షల వరకు ఉంటుందని తెలిపింది. స్కార్పియో- ఎన్‌ను ఈ ఏడాది జూన్‌ 27న ఐదు వేరియంట్లలో (జెడ్‌2, జెడ్‌4, జెడ్‌6, జెడ్‌8, జెడ్‌8ఎల్‌) కంపెనీ ఆవిష్కరించిన సంగతి తెలిసిందే. వీటికి బుకింగ్‌లు జులై 30 నుంచి ప్రారంభం కానున్నాయి. కొత్త స్కార్పియో- ఎన్‌ పెట్రోలు, డీజిల్‌ ఇంజిన్‌ రకాల్లో లభ్యం కానుంది. మ్యాన్యువల్‌, ఆటోమేటిక్‌ ట్రాన్స్‌మిషన్‌ల్లో దేనినైనా ఎంపిక చేసుకునే సౌలభ్యం ఉంది.