వాహనానికి అదనపు రక్ష

వాహన బీమా పాలసీకి అనుబంధ పాలసీలను (యాడ్‌ ఆన్‌ కవర్‌) రాయల్‌ సుందరం జనరల్‌ ఇన్సూరెన్స్‌ అందుబాటులోకి తెచ్చింది. ఇందులో..

* స్మార్ట్‌ సేవ్‌: అధీకృత కేంద్రాల్లో మరమ్మతు చేయించినప్పుడు ఓన్‌ డ్యామేజీ (ఓడీ) ఇన్సూరెన్స్‌ ప్రీమియంలో రాయితీని ఈ అనుబంధ పాలసీ అందిస్తుంది. ఇది ప్రైవేటు కార్ల కోసం తీసుకొచ్చింది. అదనపు ప్రీమియం ఉండదని సంస్థ పేర్కొంది.

* రోడ్‌సైడ్‌ అసిస్టెన్స్‌: దీన్ని ద్విచక్ర వాహనాలకు ప్రత్యేకంగా తీసుకొచ్చింది. 11 రకాల అత్యవసరాల్లో ఈ సేవలను వినియోగించుకునేందుకు వీలుంటుంది. విద్యుత్‌, మెకానికల్‌ లోపాలు, ప్రమాదంలో దెబ్బతినడం వల్ల బండి ఆగిపోయినప్పుడు ఇది ఉపయోగపడుతుంది.

* రిటర్న్‌ టు ఇన్వాయిస్‌: ప్రమాదంలో వాహనం పూర్తిగా పాడైనప్పుడు.. మొత్తం నష్టంగా పరిగణిస్తారు. ఇలాంటి సందర్భంలో బీమా విలువ, ఇన్వాయిస్‌ విలువకు మధ్య ఉన్న తేడాను ఈ అనుబంధ పాలసీ భర్తీ చేస్తుంది. రోడ్డు ట్యాక్స్‌, రిజిస్ట్రేషన్‌ ఖర్చులు, బీమా ప్రీమియం చెల్లించే విధంగానూ దీన్ని తీసుకోవచ్చు.