శాంసంగ్‌ నుంచి రెండు కొత్త ఫోన్లు

ఈనాడు, హైదరాబాద్‌: దేశంలో 5జీ ఫోన్లకు పెరుగుతున్న గిరాకీని దృష్టిలో పెట్టుకొని రెండు కొత్త ఫోన్లను శాంసంగ్‌ తీసుకొచ్చింది. బుధవారం హైదరాబాద్‌లో జరిగిన ఓ కార్యక్రమంలో గెలాక్సీ ఏ54, ఏ34 5జీ ఫోన్లను శాంసంగ్‌ ఇండియా జనరల్‌ మేనేజర్‌ (మొబైల్‌ వ్యాపారం) అక్షయ్‌ రావు విడుదల చేశారు. ఈ రెండు ఫోన్లూ నీటిలో లేదా కింద పడినా తట్టుకునేలా రూపొందించినట్లు ఆయన తెలిపారు. ‘గెలాక్సీ ఏ54లో 50 మెగాపిక్సెల్‌ ప్రైమరీ లెన్స్‌, ఏ34లో 48 మెగాపిక్సెల్‌ ఓఐఎస్‌ ప్రైమరీ లెన్స్‌లు ఉన్నాయి. తక్కువ వెలుతురులోనూ ప్రకాశవంతమైన చిత్రాలు తీసేందుకు వీలవుతుంది. 8జీబీ+ 128 జీబీ గెలాక్సీ ఏ54 ధర రూ.38,999 ఉండగా, 8జీబీ+ 256జీబీ ఫోను ధర రూ.40,999గా ఉంది. గెలాక్సీ ఏ34 ధర రూ.30,999 (8జీబీ+ 128జీబీ), రూ.32,999(8జీబీ+ 256జీబీ)గా ఉన్న’ట్లు తెలిపారు.