IT Returns: మరింత సులభంగా ఐటీ రిటర్నులు
ఆదాయపు పన్ను రిటర్నుల సమర్పణలో చిక్కులు తొలగించి, పన్ను చెల్లింపుదారులు మరింత సులభంగా వీటిని దాఖలు చేసేందుకు వెబ్సైట్లో ఆదాయపు పన్ను విభాగం ఎప్పటికప్పుడు మార్పులు చేర్పులూ చేస్తూనే ఉంటుంది.
అందుబాటులోకి కొత్త వెబ్సైట్
ఈనాడు - హైదరాబాద్
ఆదాయపు పన్ను రిటర్నుల సమర్పణలో చిక్కులు తొలగించి, పన్ను చెల్లింపుదారులు మరింత సులభంగా వీటిని దాఖలు చేసేందుకు వెబ్సైట్లో ఆదాయపు పన్ను విభాగం ఎప్పటికప్పుడు మార్పులు చేర్పులూ చేస్తూనే ఉంటుంది. ఈసారి ఐటీఆర్ ఇ-ఫైలింగ్ 2.0 పోర్టల్ మరిన్ని కొత్త సదుపాయాలతో అందుబాటులోకి వచ్చింది.
ఇప్పటివరకు ఇ-ఫైలింగ్ సేవలను అందించిన www.incometaxindiaefiling.gov.in స్థానంలో www.incometax.gov.in లో ఆదాయపు పన్ను చెల్లింపుదారులు తమ రిటర్నులను సమర్పించాలి. ఈ కొత్త పోర్టల్తో పన్ను చెల్లింపుదారులకు మరిన్ని మెరుగైన సేవలను అందించేందుకు వీలవుతుందని కేంద్ర ప్రత్యక్ష పన్నుల బోర్డు (సీబీడీటీ) వెల్లడించింది. ఈ ఇ-ఫైలింగ్ 2.0 పోర్టల్లో పలు ఆసక్తికర అంశాలున్నాయి.
ఆదాయాలు దాచలేరు: రెండేళ్ల నుంచి ఆదాయపు పన్ను రిటర్నుల ఫారాలు పాక్షికంగా పూర్తి చేసి అందుబాటులోకి వస్తున్నాయి. మూలం వద్ద పన్ను కోత (టీడీఎస్) విధించిన సందర్భాల్లో ఇది రిటర్నులలో కనిపించేది. పొదుపు ఖాతా నుంచి వచ్చిన వడ్డీ, స్వల్ప, దీర్ఘకాలిక మూలధన లాభాల్లాంటివి కనిపించేవి కావు. కానీ, కొత్త వెబ్సైటులో వచ్చే ఐటీఆర్ ఫారాల్లో అన్నీ ముందే నింపి ఉంటాయి. వేతనం ద్వారా ఎంత ఆదాయం వచ్చింది, వృత్తి/వ్యాపారాదాయం ఎంత? వడ్డీ, డివిడెండ్, మూలధన రాబడి.. ఇలా ప్రతి ఆదాయం గురించిన వివరాలూ ఐటీఆర్ పత్రాల్లో ముందే నింపి ఉంటాయి. అందులో మీకు అభ్యంతరాలుంటే.. మార్చుకోవచ్చు. వీటికి సంబంధించిన టీడీఎస్, ఎస్ఎఫ్టీ సర్టిఫికెట్లను జూన్ 30లోగా అప్లోడ్ చేయాల్సి ఉంటుంది.
ఉచితంగా
ఐటీఆర్ను సిద్ధం చేసేందుకు అవసరమైన సాఫ్ట్వేర్లను ఉచితంగా డౌన్లోడ్ చేసుకునే వీలుంటుంది. ఐటీఆర్ 1, 4 (ఆన్లైన్, ఆఫ్లైన్), ఐటీఆర్ 2 (ఆఫ్లైన్)లకు సంబంధించిన సాఫ్ట్వేర్లు ఉన్నాయి. త్వరలోనే ఐటీఆర్ 3, 5, 6, 7లకు సంబంధించిన సాఫ్ట్వేర్ అందిస్తారు.
ఏ ఖాతా నుంచైనా
నెట్ బ్యాంకింగ్తోపాటు, యూపీఐ, క్రెడిట్ కార్డు, ఆర్టీజీఎస్, నెఫ్ట్లాంటి వాటితో ఏ ఖాతా నుంచైనా పన్ను బకాయిని చెల్లించే వీలు కల్పిస్తోంది.
ఒకేచోట
పన్ను చెల్లింపుదారుడికి సంబంధించిన అన్ని వివరాలూ ఒకే డాష్బోర్డుపై కనిపిస్తాయి. దీనివల్ల వచ్చిన నోటీసులు, ఏదైనా అసంపూర్తిగా ఉంటే వాటి వివరాలన్నీ సులువుగా తెలుస్తాయి.
వేగంగా రిఫండ్
గతంతో పోలిస్తే రిటర్నులు వేగంగా ప్రాసెస్ చేయడానికి వీలవుతుంది. దీనివల్ల సాధ్యమైనంత తొందరగా రిఫండ్ చెల్లింపులు జరగనున్నాయి.
మొబైల్ యాప్
పన్ను చెల్లింపుదారులకు మరింత వెసులుబాటు కల్పించేందుకు కొత్తగా మొబైల్ యాప్నూ తీసుకొస్తోంది. దీన్ని త్వరలోనే ఆవిష్కరించనున్నారు.
నేరుగా కలవకుండానే
పన్ను చెల్లింపులకు సంబంధించి ఆదాయపు పన్ను శాఖ ఇచ్చే నోటీసులు, అప్పీలు చేసుకోవడం లాంటివన్నీ అధికారులను నేరుగా సంప్రదించకుండానే.. ఆన్లైన్లోనే సమస్యను పరిష్కరించుకోవచ్చు.
సమస్య వస్తే
పన్ను చెల్లింపుదార్లు అనుమానాలు నివృత్తి చేసుకునేందుకు విపులంగా ఇచ్చిన ప్రశ్నలను చదివి సమాధానాలు తెలుసుకోవచ్చు. రిటర్నుల దాఖలులో ఇబ్బందులు ఉంటే.. కాల్సెంటర్ను సంప్రదించవచ్చు. వీడియోలు, చాట్బాట్లాంటివీ ఉంటాయి. నేరుగా కాల్సెంటర్ ఏజెంటుతోనూ చాటింగ్ చేయొచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
ప్రైవేటు ఆస్పత్రిలో తెగిపడిన లిఫ్ట్.. 9 మందికి తీవ్ర గాయాలు
-
సీపీఎం కార్యాలయానికి భట్టి విక్రమార్క.. లోక్సభ ఎన్నికల్లో మద్దతుపై చర్చ
-
2026 నాటికి ఎయిర్ట్యాక్సీలు.. 7 నిమిషాల్లో 27 కిలోమీటర్లు!
-
‘ప్రేమలు 2’ ఫిక్స్.. రిలీజ్ ఎప్పుడంటే?
-
వేసవి రద్దీకి రైల్వే సిద్ధం.. రికార్డు స్థాయిలో 9,111 అదనపు ట్రిప్పులు!
-
20లక్షల ఉద్యోగాలు ఇచ్చే బాధ్యత నాది: చంద్రబాబు