పెట్రోల్‌ విక్రయాలు కొవిడ్‌ ముందు స్థాయికి

దిల్లీ: దేశంలో ఇంధన గిరాకీ గత నెలలో పుంజుకుంది. కొవిడ్‌ మహమ్మారి కట్టడికి పలు రాష్ట్రాల్లో విధించిన లాక్‌డౌన్‌లు, పరిమితులు క్రమంగా సడలించడంతో ఆర్థిక కార్యకలాపాలు మళ్లీ ఊపందుకున్నాయి. పెట్రోల్‌ వినియోగం కొవిడ్‌ పూర్వ స్థాయికి చేరడంతో మొత్తం ఇంధన వినియోగం జులైలో పెరిగింది. ప్రభుత్వ రంగ ఇంధన రిటైలర్లు జులైలో 2.37 మిలియన్‌ టన్నుల పెట్రోల్‌ను విక్రయించాయి. గత ఏడాది ఇదే సమయంతో పోలిస్తే ఇది 17 శాతం అధికం. అలాగే 2019 జులై విక్రయాలు 2.39 మిలియన్‌ టన్నుల స్థాయికి చేరింది. డీజిల్‌ విక్రయాలు కూడా 2020 జులైతో పోలిస్తే గత నెలలో 12.36 శాతం పెరిగి 5.45 మిలియన్‌ టన్నులకు చేరాయి. 2019 జులైతో పోలిస్తే ఇంకా 10.9 శాతం తక్కువగానే ఉన్నాయి.