India GDP: 2022-23లో భారత వృద్ధి 7.8%
వచ్చే ఆర్థిక సంవత్సరానికి (2022-23) భారత వృద్ధి రేటు అంచనాలను 60 బేసిస్ పాయింట్లు మేర (0.60%) మోర్గాన్ స్టాన్లీ పెంచింది. అన్ని రంగాల్లో వినియోగం పుంజుకునే అవకాశం ఉన్నందున 7.8 శాతం వృద్ధి
అంచనాలను పెంచిన మోర్గాన్ స్టాన్లీ
వినియోగం పుంజుకునే అవకాశం ఉండటమే కారణం
దిల్లీ: వచ్చే ఆర్థిక సంవత్సరానికి (2022-23) భారత వృద్ధి రేటు అంచనాలను 60 బేసిస్ పాయింట్లు మేర (0.60%) మోర్గాన్ స్టాన్లీ పెంచింది. అన్ని రంగాల్లో వినియోగం పుంజుకునే అవకాశం ఉన్నందున 7.8 శాతం వృద్ధి రేటు నమోదుకావచ్చని అంచనా వేసింది. ‘దేశంలో అర్హులైన ప్రజలందరికీ కొవిడ్-19 టీకా వేయడం 2022 జనవరి- మార్చిలో పూర్తయ్యే అవకాశం ఉంది. వస్తు, సేవా రంగాల్లో వినియోగం పుంజుకునేందుకు ఇది తోడ్పడుతుంద’ని మోర్గాన్స్టాన్లీ అభిప్రాయపడింది. 2022 రెండో అర్ధభాగం నుంచి ప్రైవేట్ రంగ మూలధన వ్యయాలు పెరిగే అవకాశం ఉందని సంస్థ తెలిపింది. సామర్థ్య వినియోగం మెరుగవ్వడం, ఆర్థిక కార్యకలాపాలు సాధారణ స్థితికి రావడం, సంస్కరణలు ఇందుకు దోహదం చేస్తాయని తెలిపింది. ప్రస్తుత ఆర్థిక సంవత్సరానికి జీడీపీ వృద్ధి 10.3 శాతం లభించవచ్చన్నది మోర్గాన్ స్టాన్లీ అంచనా. రిజర్వ్ బ్యాంక్ ఆఫ్ ఇండియా అంచనా (9.5%) కంటే ఇది ఎక్కువ. 2023-24 ఆర్థిక సంవత్సరానికి భారత వృద్ధిరేటు 7.2 శాతంగా నమోదుకావచ్చని సంస్థ అంచనా వేస్తోంది.
సరఫరా అవరోధాలు తాత్కాలికమే: దేశీయంగా, అంతర్జాతీయంగా నెలకొన్న సరఫరా అవరోధాలు తాత్కాలికమేనని, ద్రవ్యోల్బణం దిగివచ్చే అవకాశం ఉందని మోర్గాన్ స్టాన్లీ పేర్కొంది. త్రైమాసిక ప్రాతిపదికన నిత్యావసరాల ధరలు తగ్గడాన్ని ఉదాహరణగా తెలిపింది. 2021-22 మొత్తంమీద ద్రవ్యోల్బణం సగటున 5.3%, 2022-23లో 4.7% మేర నమోదుకావచ్చని అంచనా వేసింది. ఆర్థిక వ్యవస్థలో వృద్ధిపరంగా సాధారణ పరిస్థితులు నెలకొంటున్నందున.. కొవిడ్-19 పరిణామాల సమయంలో తీసుకున్న అసాధారణ పరపతి విధాన నిర్ణయాలను దశలవారీగా ఉపసంహరించుకోవడం అనివార్యమని పేర్కొంది. మిగులు నిధుల లభ్యత ఉపసంహరణపై ఆర్బీఐ చేసిన ప్రకటన, ఈ దిశగా పడిన తొలి అడుగు అని మోర్గాన్ స్టాన్లీ తెలిపింది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
గీత రచయిత పాటల హక్కు కోరితే ఏమవుతుంది?: ఇళయరాజా కేసులో హైకోర్టు ప్రశ్న
-
నష్టాల్లో స్టాక్ మార్కెట్ సూచీలు.. 22,350 దిగువకు నిఫ్టీ
-
ప్రైవేటు ఆస్తి.. సమాజ వనరు కాదని అనలేం: సుప్రీంకోర్టు వ్యాఖ్య
-
పతి దేవుడికి గుడి కట్టింది!
-
ఐపీఎల్లో భారీ స్కోర్లు అందుకే..: శుభ్మన్ గిల్
-
ఈనాడు.నెట్లో టాప్ 10 వార్తలు @ 9 AM