రాగి ప్రతికూల ధోరణిలో!

కమొడిటీస్‌ ఈ వారం

బంగారం

పసిడి ఫిబ్రవరి కాంట్రాక్టు ఈవారం రూ.48,909 కంటే పైన నిలదొక్కుకోకుంటే.. మరింతగా దిద్దుబాటు అయ్యే అవకాశం ఉంది. అయితే రూ.47,325 సమీపంలో మద్దతు లభించవచ్చు. ఈ స్థాయినీ కోల్పోతే రూ.46,990 వరకు దిగివస్తుందని భావించవచ్చు. ఒకవేళ    రూ.48,909 స్థాయిని అధిగమిస్తే రూ.49,823 వరకు పెరిగే అవకాశం ఉంటుంది.

* ఎంసీఎక్స్‌ బుల్‌డెక్స్‌ డిసెంబరు కాంట్రాక్టు ఈవారం రూ.14,545 కంటే పైన కదలాడకుంటే రూ.13,970; రూ.13,866 వరకు దిగిరావొచ్చు. ఈ నేపథ్యంలో రూ.14,524 వద్ద స్టాప్‌లాస్‌ పెట్టుకొని రూ.14,424 సమీపంలో కాంట్రాక్టును షార్ట్‌ సెల్‌ చేయడం మంచిదే.

వెండి

వెండి మార్చి కాంట్రాక్టు ఈవారం రూ.65,017 కంటే పైన కదలాడితే రూ.65,840; ఆ తర్వాత రూ.67,310 వరకు రాణిస్తుందని భావించవచ్చు.

ప్రాథమిక లోహాలు

* ఎంసీఎక్స్‌ మెటల్‌డెక్స్‌ డిసెంబరు కాంట్రాక్టుకు ఈవారం రూ.17,085 వద్ద స్టాప్‌లాస్‌ పెట్టుకొని    రూ.16,950 ఎగువన షార్ట్‌ సెల్‌ పొజిషన్లు తీసుకోవడం మంచిదే.

* రాగి డిసెంబరు కాంట్రాక్టు ఈవారం రూ.726 దిగువన ట్రేడయితే ప్రతికూల ధోరణి కొనసాగుతుందని భావించవచ్చు. అయితే కాంట్రాక్టు పుంజుకునే అవకాశాలూ ఉన్నందున షార్ట్‌ సెల్‌ పొజిషన్లున్న ట్రేడర్లు రూ.747 వద్ద స్టాప్‌లాస్‌ను పెట్టుకోవడం తప్పనిసరి.

* సీసం డిసెంబరు కాంట్రాక్టును ఈవారం రూ.190 కంటే పైకి వెళ్లకుంటే దిద్దుబాటుకు ఆస్కారం ఉంటుంది. అందువల్ల ఈ స్థాయి వద్ద స్టాప్‌లాస్‌ పెట్టుకొని రూ.186- 188 సమీపంలో కాంట్రాక్టును షార్ట్‌ సెల్‌ చేయొచ్చు.

* జింక్‌ డిసెంబరు కాంట్రాక్టు ఈవారం రూ.266 దిగువకు వస్తే అమ్మకాల ఒత్తిడికి లోనయ్యే అవకాశం ఉంటుంది. ఈ నేపథ్యంలో రూ.274.35 వద్ద స్టాప్‌లాస్‌ పెట్టుకొని రూ.271 దిగువన కాంట్రాక్టుకు షార్ట్‌ సెల్‌ పొజిషన్లు తీసుకోవచ్చు. 

* అల్యూమినియం డిసెంబరు కాంట్రాక్టు ఈవారం రూ.213.55 కంటే పైకి వెళ్లకుంటే కొంత షార్ట్‌ సెల్లింగ్‌ చోటుచేసుకోవచ్చు. ఈ స్థాయి వద్ద స్టాప్‌లాస్‌ను పరిగణిస్తూ షార్ట్‌ సెల్‌ పొజిషన్ల వైపు మొగ్గు చూపొచ్చు.

* నికెల్‌ డిసెంబరు కాంట్రాక్టు ఈవారం రూ.1,508 కంటే కిందకు దిగిరాకుంటే రూ.1,576 వరకు పెరిగే అవకాశం ఉంటుంది.

ఇంధన రంగం

* సహజవాయువు డిసెంబరు కాంట్రాక్టు ఈవారం రూ.378 కంటే కిందకు దిగిరాకుంటే కొనుగోళ్ల మద్దతు లభించే అవకాశం ఉంది. రూ.381 వద్ద స్టాప్‌లాస్‌ను పెట్టుకొని రూ.395- 397 సమీపంలో లాంగ్‌ పొజిషన్లు తీసుకోవడం మంచిదే.

* ముడి చమురు డిసెంబరు కాంట్రాక్టు ఈవారం రూ.5,403 స్థాయిని అధిగమిస్తే మరింతగా రాణించేందుకు అవకాశం ఉంటుంది. రూ.5,537 వరకు వెళ్లొచ్చు. ఒకవేళ రూ.5,149 కంటే కిందకు వస్తే రూ.5,006కి దిగివస్తుందని భావించవచ్చు.

* ముడి పామోలిన్‌ నూనె (సీపీఓ) డిసెంబరు కాంట్రాక్టుకు ఈవారం రూ.1,105 దిగువన మాత్రమే షార్ట్‌ సెల్‌ పొజిషన్లు కొనసాగించాలి. ఒకవేళ కాంట్రాక్టు రూ.1,135 స్థాయిని అధిగమిస్తే రూ.1,165 వరకు పెరిగే అవకాశం ఉంటుంది. ఈ నేపథ్యంలో 1,040 దిగువన స్టాప్‌లాస్‌ పెట్టుకొని రూ.1,075 లక్ష్యంతో రూ.1,052 సమీపంలో లాంగ్‌ పొజిషన్లు తీసుకోవచ్చు.

వ్యవసాయ ఉత్పత్తులు

* పసుపు డిసెంబరు కాంట్రాక్టు ఈవారం రూ.8,274 కంటే ఎగువన ట్రేడ్‌ కాకుంటే రూ.7,448; రూ.7,260 వరకు దిద్దుబాటు అయ్యేందుకు అవకాశం ఉంది.

* జీలకర్ర డిసెంబరు కాంట్రాక్టు ఈవారం రూ.16,337 కంటే పైకి వెళ్లకుంటే మరింతగా కిందకు దిగివచ్చే అవకాశం ఉంటుంది.

* పత్తి డిసెంబరు కాంట్రాక్టు ఈవారం రూ.32,468 కంటే పైన నిలదొక్కుకోకుంటే రూ.31,615; రూ.31,070 లక్ష్యాలతో షార్ట్‌ సెల్‌ పొజిషన్లు తీసుకోవచ్చు.

- ఆర్‌ఎల్‌పీ కమొడిటీ అండ్‌ డెరివేటివ్స్‌