Jio: ఎయిర్‌టెల్‌, వొడాఫోన్‌ ఐడియా బాటలోనే జియో

డిసెంబరు 1 నుంచి ఛార్జీలు పెంపు

దిల్లీ: ప్రముఖ టెలికాం సంస్థ జియో కూడా ఎయిర్‌టెల్‌, వొడాఫోన్‌ ఐడియా బాటలోనే నడిచింది. వచ్చే నెల 1 నుంచి ప్రీపెయిడ్‌ ఛార్జీలను 21 శాతం వరకు పెంచుతున్నట్లు ఆదివారం ప్రకటించింది. టెలికాం పరిశ్రమను బలోపేతం చేయాలన్న ఉద్దేశంతోనే ఛార్జీలు పెంచుతున్నట్లు జియో ఓ ప్రకటనలో తెలిపింది. సవరించిన ప్లాన్ల వివరాలను వెల్లడించింది.

* జియో ఫోన్‌ కోసం అందుబాటులో ఉన్న ప్రాథమిక ప్లాన్‌ రూ.75కు బదులుగా ఇకపై రూ.91 చెల్లించాల్సి ఉంటుంది.

* రూ.199 ప్లాన్‌ (28 రోజులకు 1.5 జీబీ/రోజుకు) ధరను రూ.239కు, రూ.399 ప్లాన్‌ను (56 రోజులకు 1.5 జీబీ/రోజుకు) రూ.479కు, రూ.444 ప్లాన్‌ను (56 రోజులకు 2జీబీ/రోజుకు) రూ.533కు, రూ.555 ప్లాన్‌ను      (84 రోజులకు 1.5 జీబీ/రోజుకు) రూ.666కు సవరించింది.

* అదనపు డేటా ప్లాన్‌లను కూడా రూ.51 నుంచి 61కు (6 జీబీ), రూ.101 నుంచి 121కు (12 జీబీ), రూ.251 నుంచి రూ.301కు (50 జీబీ) పెంచింది.