2 ఐపీఓలు.. రూ.7,868 కోట్ల సమీకరణ

దిల్లీ: స్టార్‌ హెల్త్‌ అండ్‌ అలైడ్‌ ఇన్సూరెన్స్‌, టెగా ఇండస్ట్రీస్‌ల పబ్లిక్‌ ఇష్యూలు ఈవారంలో జరగనున్నాయి. ప్రతిపాదిత పబ్లిక్‌ ఇష్యూల ద్వారా ఈ రెండు కంపెనీలు మొత్తంగా రూ.7,868 కోట్లు సమీకరించనున్నాయి. స్టార్‌ హెల్త్‌.. ప్రముఖ ఆరోగ్య బీమా సంస్థ. ఇందులో వెస్ట్‌బ్రిడ్జ్‌ కేపిటల్‌, రాకేశ్‌ ఝున్‌ఝున్‌వాలాకు పెట్టుబడులు ఉన్నాయి. టెగా ఇండస్ట్రీస్‌.. ఖనిజ శుద్ధి ప్రక్రియ, గనుల తవ్వకం, బల్క్‌ సాలిడ్స్‌ హ్యాండ్లింగ్‌ పరిశ్రమకు అవసరమైన కీలక ఉత్పత్తుల తయారీ, పంపిణీని నిర్వహిస్తోంది. కాగా.. ఇప్పటికే నవంబరులో 10 కంపెనీలు విజయవంతంగా పబ్లిక్‌ ఇష్యూలను పూర్తి చేసుకోవడం గమనార్హం.