జీవిత బీమా తొలి ప్రీమియంలో 14% వృద్ధి

 రూ.3.18 లక్షల కోట్లకు చేరొచ్చు

ఈ ఆర్థిక సంవత్సరంపై ఇక్రా అంచనా

ముంబయి: దేశంలోని జీవిత బీమా సంస్థల తొలి బీమా ప్రీమియం వసూళ్లు ఈ ఆర్థిక సంవత్సరంలో  14 శాతం వరకు వృద్ధి చెందే వీలుందని రేటింగ్‌ సంస్థ ఇక్రా అంచనా వేసింది. మొత్తం రూ.3.18 లక్షల కోట్ల మేరకు ఈ ప్రీమియం వసూళ్లు ఉండొచ్చని పేర్కొంది. ఆర్థిక సంవత్సరం మొదటి ఏడు నెలల్లో తొలి బీమా ప్రీమియం వసూళ్లు 4 శాతం తగ్గి, రూ.1.53 లక్షల కోట్లకు పరిమితమయ్యాయి. కొవిడ్‌ నేపథ్యంలో విధించిన స్థానిక లాక్‌డౌన్ల ప్రభావమే ఇందుకు కారణమని ఇక్రా నివేదిక వెల్లడించింది.

దేశంలోని మొత్తం 16 జీవిత బీమా సంస్థల పనితీరు ఆధారంగా ఈ నివేదికను తయారు చేసింది. ఇందులో ఎల్‌ఐసీతోపాటు 15 ప్రైవేటు బీమా కంపెనీలున్నాయి. తొలి బీమా వ్యాపారంలో 98శాతాన్ని ఇవి ప్రతిబింబిస్తాయి. ఈ ఆర్థిక సంవత్సరం రెండో అర్ధ భాగంలో బీమా వ్యాపారం పెరిగే అవకాశం ఉంది. ఏటా జనవరి-మార్చిలో బీమా పాలసీలకు అధిక గిరాకీ లభిస్తుండటమే ఈ అంచనాకు కారణమని ఇక్రా పేర్కొంది. గత ఏడాదితో పోలిస్తే.. బీమా పాలసీల విలువ అధికంగా ఉందని తేల్చింది. 

Read latest Business News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని