‘సోషల్‌ ఇన్నోవేషన్‌ ల్యాబ్‌’కు శ్రీకారం

ఈనాడు, హైదరాబాద్‌: సిటీ, ఐఐటీ- కాన్పూర్‌, టీ-హబ్‌ కలిసి సోషల్‌ ఇన్నోవేషన్‌ ల్యాబ్‌ను ప్రారంభించాయి. వ్యవసాయం, ఆరోగ్య సంరక్షణ, ఫైనాన్షియల్‌ టెక్నాలజీస్‌ విభాగాలపై ప్రభావం చూపగల అంకుర సంస్థలను గుర్తించి, వాటికి అన్ని రకాలుగా అండగా నిలవడం ఈ ల్యాబ్‌ ప్రధాన లక్ష్యం. ప్రాథమిక, వృద్ధి దశల్లో ఉన్న అంకుర సంస్థలను ఎంపిక చేసి వాటి వ్యాపార ప్రణాళిక, వృద్ధి అవకాశాలను పరిశీలించి తుది జాబితా తయారు చేస్తారు. ఈ  సంస్థలకు సిటీ, ఐఐటీ- కాన్పూర్‌, టి-హబ్‌ మెంటారింగ్‌ సేవలతో పాటు, వ్యాపార ప్రణాళిక రూపొందించటం, గో-టూ మార్కెట్‌ వ్యూహాన్ని ఆవిష్కరించడం, నిధులు సమకూర్చడం, వృద్ధి అవకాశాలను గుర్తించటం.. ఇలా అన్ని రకాలుగా మద్దతు ఇస్తాయి.