రూ.40 లక్షల నుంచి ఆడి ఏ-4

దిల్లీ: జర్మనీకి చెందిన కార్లతయారీ కంపెనీ ఆడి తన ఏ-4 సెడాన్‌లో ప్రారంభ స్థాయి వేరియంట్‌ ఏ4 ప్రీమియంను తీసుకొచ్చింది. దీని ధర రూ.39.99 లక్షలు(ఎక్స్‌ షోరూం). ప్రస్తుతమున్న ఏ4 ప్రీమియం ప్లస్‌, ఏ4 టెక్నాలజీ వేరియంట్‌లకు ఇది అదనం. 2 లీటర్‌ పెట్రోలు ఇంజిన్‌తో వస్తున్న ఈ కారు 140 కి.వాట్‌(190 హెచ్‌పీ) పవర్‌ను, 320 ఎన్‌ఎమ్‌ టార్క్‌ను విడుదల చేస్తుందని ఆడి ఇండియా  పేర్కొంది. ‘జనవరిలో ఏ4ను విడుదల చేసినప్పటి నుంచి అద్భుత స్పందన వచ్చిందని..తాజా ఆవిష్కరణతో మరింత మంది వినియోగదార్లు ఆడి కుటుంబంలోకి చేరతార’ని ఆడి ఇండియా అధిపతి బల్బీర్‌ సింగ్‌ థిల్లాన్‌ పేర్కొన్నారు.