నూతన ఉత్పత్తులకు రూ.150 కోట్లు!

ఈనాడు, హైదరాబాద్‌: ప్యాకేజింగ్‌ ఉత్పత్తుల కంపెనీ మోల్డ్‌టెక్‌ ప్యాకేజింగ్‌ తన విస్తరణ అవసరాల కోసం రూ.150 కోట్లు సమీకరించే ఆలోచన చేస్తోంది. క్యూఐపీ (అర్హత కలిగిన సంస్థాగత మదుపుదార్ల) పద్ధతిలో నిధులు సమీకరించాలని భావిస్తున్నట్లు మోల్డ్‌టెక్‌ వర్గాలు వెల్లడించాయి. ప్యాకేజింగ్‌లో సరికొత్త పద్ధతులు, సాంకేతిక పరిజ్ఞానం అందుబాటులోకి వస్తున్నాయని, దాన్ని అందిపుచ్చుకుని కొత్త ప్యాకేజింగ్‌ ఉత్పత్తులు తీసుకురావాలనేది తమ ఉద్దేశమని ఆ వర్గాలు పేర్కొన్నాయి.