మ్యాక్సివిజన్‌ హాస్పిటల్స్‌కు నూతన సీఈఓ

ఈనాడు, హైదరాబాద్‌: హైదరాబాద్‌లోని మ్యాక్సివిజన్‌ హాస్పిటల్స్‌కు వి.ఎస్‌.సుధీర్‌ నూతన సీఈఓగా నియమితులయ్యారు. ఆయన గత అయిదేళ్లుగా మ్యాక్సివిజన్‌ గ్రూపు సీఓఓ (చీఫ్‌ ఆపరేటింగ్‌ ఆఫీసర్‌) గా పనిచేస్తున్నారు. ఆయనకు తాజాగా సీఈఓ బాధ్యతలు అప్పగించినట్లు మ్యాక్సివిజన్‌ గ్రూపు ఛైర్మన్‌ డాక్టర్‌ జీఎస్‌కే వేలు తెలిపారు. గత అయిదేళ్లలో మ్యాక్సివిజన్‌ గ్రూపు టర్నోవర్‌ రూ.50 కోట్ల నుంచి రూ.250 కోట్లకు చేరుకుందని, రెండేళ్లలో దీన్ని రూ.700 కోట్లకు పెంచాలనేది తమ లక్ష్యమని ఆయన వివరించారు. ఈ లక్ష్యసాధనకు వి.ఎస్‌.సుధీర్‌ కృషి చేయగలరని ఆశిస్తున్నట్లు తెలిపారు.