సీసీఎల్‌ ప్రోడక్ట్స్‌ ఆకర్షణీయ ఫలితాలు

రూ.3 మధ్యంతర డివిడెండ్‌

ఈనాడు, హైదరాబాద్‌: ఇన్‌స్టెంట్‌ కాఫీ ఉత్పత్తి సంస్థ సీసీఎల్‌ ప్రోడక్ట్స్‌ ఈ ఆర్థిక సంవత్సరం మూడో త్రైమాసికానికి ఆకర్షణీయ ఫలితాలు ప్రకటించింది. ఏకీకృత ఖాతాల ప్రకారం మొత్తం ఆదాయం రూ.423.59 కోట్లపై రూ.58.46 కోట్ల నికరలాభాన్ని సంస్థ ఆర్జించింది. త్రైమాసిక ఈపీఎస్‌ 4.40గా నమోదైంది. క్రితం ఆర్థిక సంవత్సరం ఇదేకాలంలో మొత్తం ఆదాయం  రూ.299.84 కోట్లు, నికరలాభం రూ.47.11 కోట్లు, ఈపీఎస్‌ రూ.3.54 ఉన్నాయి. దీంతో పోల్చితే ప్రస్తుత మూడో త్రైమాసికంలో నికరలాభం 24 శాతం పెరిగింది. వాటాదార్లకు ఒక్కో షేరుపై (రూ.2 ముఖ విలువ) రూ.3 చొప్పున మధ్యంతర డివిడెండ్‌ చెల్లించాలని సీసీఎల్‌ ప్రోడక్ట్స్‌ యాజమాన్యం ప్రతిపాదించింది. దీనికి రికార్డు తేదీగా ఫిబ్రవరి 1ని ప్రకటించారు.