అనుమతి లేకుండా చిన్న స్టోర్లను విక్రయించొద్దు

అవసరమైతే సాయం అందిస్తాం
ఫ్యూచర్‌ రిటైల్‌ స్వతంత్ర డైరెక్టర్లకు అమెజాన్‌ లేఖ

దిల్లీ: ఫ్యూచర్‌ రిటైల్‌ లిమిటెడ్‌ (ఎఫ్‌ఆర్‌ఎల్‌) కనుక చిన్న ఫార్మాట్‌ స్టోర్లను, తమ అనుమతి లేకుండా విక్రయిస్తే నిబంధనల ఉల్లంఘన కిందకు వస్తుందని వివరిస్తూ ఎఫ్‌ఆర్‌ఎల్‌ స్వతంత్ర డైరెక్టర్లకు అమెజాన్‌ లేఖ రాసింది. నగదు సంక్షోభం వల్ల ఆర్థిక ఆందోళనకర పరిస్థితి ఎదురవుతున్న ఫ్యూచర్‌  సంస్థకు సాయం చేసేందుకు సుముఖత వ్యక్తం చేసింది. ‘ఈజీడే’, ‘హెరిటేజ్‌ ఫ్రెష్‌’ వంటి స్మాల్‌ ఫార్మాట్‌ స్టోర్‌ బ్రాండ్లను ఎఫ్‌ఆర్‌ఎల్‌ విక్రయించేందుకు ప్రతిపాదనలు సిద్ధం చేసిందని మీడియా వర్గాల ద్వారా తెలుసుకున్న అమెజాన్‌ ఈ మేరకు ఆ సంస్థ స్వతంత్ర డైరెక్టర్లకు లేఖ రాసింది.