223 కోట్ల డాలర్లు పెరిగిన ఫారెక్స్‌ నిల్వలు

ముంబయి: దేశ విదేశీ మారకపు (ఫారెక్స్‌) నిల్వలు ఈ నెల 14తో ముగిసిన వారానికి 222.9 కోట్ల డాలర్ల మేర పెరిగి 63,496.5 కోట్ల డాలర్లకు చేరినట్లు రిజర్వ్‌ బ్యాంక్‌ ఆఫ్‌ ఇండియా (ఆర్‌బీఐ) వెల్లడించింది. ఈనెల 7తో ముగిసిన వారంలో ఫారెక్స్‌ నిల్వలు 87.8 కోట్ల డాలర్ల మేర తగ్గాయి. సమీక్షా వారంలో విదేశీ కరెన్సీ ఆస్తులు (ఎఫ్‌సీఏలు), పసిడి నిల్వలు అధికమై విదేశీ మారకపు నిల్వల పెరిగిందని ఆర్‌బీఐ తెలిపింది. ఎఫ్‌సీఏలు 134.5 కోట్ల డాలర్ల మేర పెరిగి, 57,073.7 కోట్ల డాలర్లకు చేరాయి. పసిడి నిల్వలు 72.6 కోట్ల డాలర్ల మేర పెరిగి 3,977 కోట్ల డాలర్లకు చేరాయి.