హెచ్‌డీఎఫ్‌సీ లైఫ్‌

లాభం రూ.274 కోట్లు

దిల్లీ: హెచ్‌డీఎఫ్‌సీ లైఫ్‌ డిసెంబరు త్రైమాసికంలో రూ.273.65 కోట్ల నికర లాభాన్ని ఆర్జించింది. 2020-21 ఇదే కాల లాభం రూ.264.99 కోట్లతో పోలిస్తే ఇది 3 శాతం అధికం. మొత్తం ఆదాయం మాత్రం రూ.21,126.80 కోట్ల నుంచి రూ.14,222.22 కోట్లకు పరిమితమైంది. కంపెనీ సాల్వెన్సీ నిష్పత్తి  202 శాతం నుంచి 190 శాతానికి తగ్గింది. జనవరి 1న 8,70,22,222 ఈక్విటీ షేర్లను ఒక్కోటి రూ.685 చొప్పున ప్రిఫరెన్షియల్‌ పద్ధతిలో కేటాయించడంతో పాటు రూ.725.98 కోట్ల నగదును ఎక్సైడ్‌ ఇండస్ట్రీస్‌కు చెల్లించినట్లు కంపెనీ తెలిపింది. దీంతో ఎక్సైడ్‌ లైఫ్‌లో 100 శాతం వాటా కొనుగోలు చేసినట్లు పేర్కొంది. ఈ ఏడాది జనవరి 1 నుంచి ఎక్సైడ్‌ లైఫ్‌ తమ పూర్తి స్థాయి అనుబంధ సంస్థగా మారిందని హెచ్‌డీఎఫ్‌సీ లైఫ్‌ వివరించింది.