77% పెరిగిన యెస్‌ బ్యాంక్‌ లాభం

దిల్లీ: యెస్‌ బ్యాంక్‌ ఈ ఆర్థిక సంవత్సరం డిసెంబరు త్రైమాసికంలో రూ.266.43 కోట్ల నికర లాభాన్ని ప్రకటించింది. క్రితం ఆర్థిక సంవత్సరం ఇదే సమయంలో ఆర్జించిన నికర లాభం రూ.150.77 కోట్లతో పోలిస్తే ఇది 77% అధికం. మొత్తం ఆదాయం రూ.6,408.53 కోట్ల నుంచి రూ.5,632.03 కోట్లకు తగ్గింది. నికర వడ్డీ ఆదాయం రూ.2,560 కోట్ల నుంచి 31% తగ్గి రూ.1,764 కోట్లకు పరిమితమైంది. స్థూల నిరర్థక ఆస్తులు (జీఎన్‌పీఏలు) 15.36 శాతం నుంచి  14.65 శాతానికి పరిమితమయ్యాయి. నికర ఎన్‌పీఏలు మాత్రం 4.04 శాతం నుంచి 5.29 శాతానికి పెరిగాయి. పన్ను, ఆకస్మిక నిధి మినహా మిగతా కేటాయింపులు రూ.2,089 కోట్ల నుంచి గణనీయంగా తగ్గి రూ.374.64 కోట్లకు పరిమితమయ్యాయి.