29% పెరిగిన ఫెడరల్‌ బ్యాంక్‌ లాభం

దిల్లీ: ఈ ఆర్థిక సంవత్సరం డిసెంబరు త్రైమాసికంలో ఫెడరల్‌ బ్యాంక్‌ రూ.522 కోట్ల నికర లాభాన్ని నమోదు చేసింది. క్రితం ఆర్థిక సంవత్సరం ఇదే కాల లాభం రూ.404.10 కోట్లతో పోలిస్తే ఇది 29 శాతం ఎక్కువ. మొత్తం ఆదాయం రూ.3,934.90 కోట్ల నుంచి స్వల్పంగా తగ్గి    రూ.3,926.75 కోట్లకు చేరింది. స్థూల నిరర్థక ఆస్తులు (ఎన్‌పీఏలు)  2.71 శాతం నుంచి 3.06 శాతానికి; నికర ఎన్‌పీఏలు 0.60 శాతం నుంచి 1.05 శాతానికి పెరిగాయి. పన్ను, ఇతర ఆకస్మిక నిధి మినహా కేటాయింపులు రూ.414.16 కోట్ల నుంచి రూ.213.98 కోట్లకు తగ్గాయి. 2021 డిసెంబరు ఆఖరుకు నికర వడ్డీ మార్జిన్‌ (ఎన్‌ఐఎం) 3.27 శాతంగా నమోదైంది.