నష్టభయం చూశాకే.. పథకాల ఎంపిక
దీర్ఘకాలిక లక్ష్యాలను సాధించేందుకు ఇప్పుడు అనేక పెట్టుబడి మార్గాలు అందుబాటులో ఉన్నాయి. వ్యక్తిగత లక్ష్యాలు, నష్టభయాన్ని భరించే సామర్థ్యం, పెట్టుబడుల వ్యవధిని బట్టి, ఒక వ్యక్తికి ఏ పథకం నప్పుతుందన్నది నిర్ణయించుకోవాలి.
దీర్ఘకాలిక లక్ష్యాలను సాధించేందుకు ఇప్పుడు అనేక పెట్టుబడి మార్గాలు అందుబాటులో ఉన్నాయి. వ్యక్తిగత లక్ష్యాలు, నష్టభయాన్ని భరించే సామర్థ్యం, పెట్టుబడుల వ్యవధిని బట్టి, ఒక వ్యక్తికి ఏ పథకం నప్పుతుందన్నది నిర్ణయించుకోవాలి. చాలామంది భవిష్యత్తులో ఎంత రాబడి వస్తుందన్నదానికే ఎక్కువ ప్రాధాన్యం ఇస్తుంటారు. గమనించాల్సిన విషయం ఏమిటంటే.. నష్టం వస్తే ఏమిటన్నదీ అర్థం చేసుకోవాలి.
పెట్టుబడులు పెట్టేటప్పుడు చాలామంది నష్టం అనే మాటను ఏమాత్రం ఇష్టపడరు. పెట్టుబడి నిర్ణయాల్లో ఇదే కీలకం. పెట్టుబడులు అధికంగా పెట్టేవారు, ఫండ్ మేనేజర్లు నష్టం.. రాబడికి మధ్య ఉన్న సంబంధాన్ని అర్థం చేసుకోగలరు. కానీ, సాధారణ మదుపరులకు ఇది కాస్త కఠినమైన అంశమే. నష్టం లేకుండా మంచి రాబడిని సాధించలేం అనేది అర్థం చేసుకోవాలి. ఒక పథకానికి నష్టభయం ఉందంటే.. అది అధిక రాబడికి ఇచ్చేందుకూ వీలుంటుంది.
పెట్టుబడి పథకం తీరు ఆధారంగా రకరకాల నష్టభయాలుంటాయి. ఫండ్ మేనేజర్లు నష్టభయాన్ని బేరీజు వేసుకునేందుకు రకరకాల మార్గాలను అనుసరిస్తారు. సాధారణ మదుపరులకు అంత అవగాహన ఉండదు. ముందే అనుకున్నట్లు నష్టభయం అధికంగా ఉంటే.. రాబడి వస్తుందనే భావనా అన్ని వేళలలో సరికాదు.
ఒకే తీరు పెట్టుబడి పథకాలకు ఒకే తరహా నష్టభయం ఉంటుందనే భావనా ఉంటుంది. దీనినీ సాధారణ సూత్రీకరణ చేయలేం. ప్రతి పథకానికీ వేర్వేరు పరిస్థితుల్లో.. అనేక నష్టభయాలు ఉంటాయి. సాధారణంగా ఫండ్ పథకాలను వాటి నష్టభయాల ఆధారంగా.. తక్కువ నష్టభయం, సాధారణం-మధ్యస్థం, మధ్యస్థం, మధ్యస్థం-అధికం, అధికం-మరీ అధికం అనే రకాలుగా విభజిస్తారు. దీనినే ఫండ్ రిస్కో మీటర్ అనీ పేర్కొంటారు. మార్కెట్ విలువ, హెచ్చుతగ్గులు, నగదుగా మార్చుకునే వీలు తదితర అంశాల ఆధారంగా వీటిని నిర్ణయిస్తారు. పెట్టుబడిదారులు ఫండ్లను ఎంచుకునేటప్పుడు ఈ రిస్కోమీటర్ను జాగ్రత్తగా గమనించాలి. మీ నష్టభయం భరించే సామర్థ్యం ఆధారంగా ఫండ్లను ఎంపిక చేసుకోవడం మేలు.
హెచ్చుతగ్గుల్లో..
మార్కెట్లు ఎప్పుడూ ఒకే దిశలో వెళ్లవు. చాలామంది మదుపరులు మార్కెట్ పతనం అవుతుంటే.. పెట్టుబడులను వెనక్కి తీసుకోవడం, పెరుగుతుంటే మదుపు చేయడం చూస్తూనే ఉంటాం. ఇది దీర్ఘకాలంలో పెట్టుబడులకు నష్టం కలిగిస్తుంది. స్టాక్ మార్కెట్లో హెచ్చుతగ్గులు సహజం అనే విషయాన్ని మదుపరులు అర్థం చేసుకోవాలి.
నష్టభయం, రాబడి ఆధారంగా పెట్టుబడుల్లో వైవిధ్యం ఉండేలా చూసుకోవాలి. ప్రామాణిక సూచీకి మించి అధిక నష్టభయం ఉన్న పథకం హెచ్చుతగ్గుల్లోనూ మంచి రాబడిని ఇచ్చేందుకు అవకాశం ఉంటుంది. పెట్టుబడులు పెట్టేటప్పుడు కొన్ని ఊహించని నష్టభయాలూ వస్తుంటాయి. వీటికీ సిద్ధంగా ఉండాలి. మంచి ప్రణాళిక, అవగాహనతోనే దీనిని గట్టెక్కి, మంచి లాభాలు ఆర్జించే వీలుంది.
- రాఘవ్ అయ్యర్, సీబీఓ, యాక్సిస్ ఏఎంసీ
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
సూర్యాపేట జిల్లాలో ఘోర రోడ్డు ప్రమాదం.. ఆరుగురు మృతి
-
జూదరులతో కలిసి పుట్టిన రోజు వేడుకలు.. మంగళ్హాట్ డీఐ సస్పెన్షన్ ?
-
ఒకే ద్విచక్రవాహనంపై ప్రయాణం.. బస్సు ఢీకొని నలుగురు ఇంటర్ విద్యార్థుల మృతి
-
టీ20 ప్రపంచకప్నకు టీమ్ ఇండియాను మీరే ఎంపిక చేయండి!
-
సరిహద్దు దాటిన మానవత్వం.. భారతీయుడి దానంతో పాక్ యువతికి కొత్త జీవితం
-
టీ20 వరల్డ్ కప్.. ‘‘ధోనీ వైల్డ్ కార్డ్ ఎంట్రీ ఇస్తే బాగుంటుంది’’