రూ.500 కోట్ల పెట్టుబడులు లక్ష్యం: అసెట్‌మాంక్‌

ఈనాడు, హైదరాబాద్‌: వాణిజ్య స్థిరాస్తి ప్రాజెక్టులలో పెట్టుబడికి అవకాశం కల్పించే హైదరాబాద్‌కు చెందిన అంకురం అసెట్‌మాంక్‌ మరింత విస్తరించేందుకు ప్రణాళికలు వేస్తోంది. ఇప్పటివరకు హైదరాబాద్‌, బెంగళూరు, చెన్నైలలోని ప్రాజెక్టులలో రూ.120 కోట్ల మేరకు విలువైన పెట్టుబడులు పెట్టామని; పుణె, ముంబయి, దిల్లీ వంటి నగరాలకు విస్తరించడం ద్వారా ఈ ఏడాది చివరి నాటికి రూ.500 కోట్ల లక్ష్యాన్ని చేరుకునేందుకు ప్రయత్నిస్తున్నట్లు అసెంట్‌మాంక్‌ సహ వ్యవస్థాపకుడు, సీఓఓ పృథ్వి చింతా తెలిపారు. కనీసం రూ.10 లక్షల నుంచి పెట్టుబడులు పెట్టేందుకు వీలుంటుందన్నారు.