వాట్సాప్‌ ద్వారా గృహరుణం

దిల్లీ: గృహరుణ సంస్థ హెచ్‌డీఎఫ్‌సీ దరఖాస్తు చేసిన 2 నిమిషాల్లోనే గృహరుణాన్ని మంజూరు చేయనుంది. ఇందుకోసం ‘స్పాట్‌ ఆఫర్‌ ఆన్‌ వాట్సాప్‌’ పేరుతో ప్రత్యేక సేవలను అందుబాటులోకి తెచ్చింది. రుణం కోసం దరఖాస్తు చేసుకునేవారు వాట్సాప్‌లో కొంత ప్రాథమిక సమాచారాన్ని తెలియజేస్తే, దాని ఆధారంగా వెంటనే ఎంత మేరకు రుణం వస్తుందనేది తెలియ చేయడంతోపాటు, ఆఫర్‌ లెటర్‌నూ అందిస్తోంది. దీనికోసం హెచ్‌డీఎఫ్‌సీ +91 9867000000 నెంబరును ఏర్పాటు చేసింది. ఈ సేవలు 24శ్రీ 7 లభిస్తాయని హెచ్‌డీఎఫ్‌సీ తెలిపింది. దేశీయంగా ఉద్యోగం చేస్తున్న వారికి ఈ సేవలు అందుబాటులో ఉంటాయి.