యాక్సిస్‌ బ్యాంక్‌ రుణ రేటు 0.35% పెంపు

ముంబయి: యాక్సిస్‌ బ్యాంక్‌ నిధుల వ్యయం ఆధారిత రుణ రేటును (ఎంసీఎల్‌ఆర్‌) అన్ని కాలావధులపై 35 బేసిస్‌ పాయింట్ల (0.35%) మేర పెంచింది. ఈ నెల 18 నుంచే కొత్త రేట్లు అమల్లోకి వచ్చాయని బ్యాంక్‌ తెలిపింది. సవరించిన రేట్ల ప్రకారం బ్యాంక్‌ రుణ రేట్లు 7.55-7.9 శాతం మధ్య ఉన్నాయి. రిజర్వ్‌ బ్యాంక్‌ ఆఫ్‌ ఇండియా (ఆర్‌బీఐ) రెపో రేటును ఈ నెల 4 నుంచి 40 బేసిస్‌ పాయింట్ల మేర పెంచడంతో బ్యాంకులు రుణ రేట్లను, వడ్డీ రేట్లను పెంచుతున్నాయి. 

యాక్సిస్‌ బ్యాంక్‌ కొత్త రుణ రేట్లు ఇలా ఉన్నాయి.

కాలావధి     కొత్త రుణ రేట్లు (శాతంలో..)

ఓవర్‌నైట్‌    7.55

ఒక నెల    7.55

3 నెలలు    7.65

6 నెలలు    7.70      

ఏడాది    7.75

రెండేళ్లు    7.85

మూడేళ్లు    7.90