జేఎస్‌డబ్ల్యూ గ్రూపు చేతికి మైత్రా పవన, సౌర విద్యుత్‌ వ్యాపారాలు!

దిల్లీ: హైదరాబాద్‌ కేంద్రంగా కార్యకలాపాలు సాగిస్తున్న మైత్రా ఎనర్జీకి చెందిన పవన, సౌర విద్యుత్‌ వ్యాపారాలను జేఎస్‌డబ్ల్యూ గ్రూపు కొనుగోలు చేయనున్నట్లు తెలుస్తోంది. ఇందుకోసం ఇరు సంస్థల మధ్య ఒప్పందం కుదిరినట్లు ఈ పరిణామాన్ని దగ్గర నుంచి గమనిస్తున్న వర్గాలను ఉటంకిస్తూ ఓ ఆంగ్ల వెబ్‌సైట్‌ వెల్లడించింది. మైత్రా పవన, సౌర విద్యుత్‌ వ్యాపారాల కొనుగోలుకు పోటీ పడుతున్న సంస్థల్లో జేఎస్‌డబ్ల్యూ గ్రూపు ముందంజలో ఉందని ఆ వర్గాలు తెలిపాయి. ఈ ఆస్తుల విలువను 1.6- 1.7 బి.డాలర్లు (రూ.12,300- 13,000 కోట్లు)గా లెక్కగట్టినట్లు పేర్కొన్నాయి. మైత్రా నిర్వహణలో 1.7 గిగావాట్ల పవన, సౌర విద్యుత్‌ ప్రాజెక్టులు ఉన్నాయి.