గోద్రేజ్‌ కన్జూమర్‌ లాభం రూ.363 కోట్లు

దిల్లీ: ఎఫ్‌ఎమ్‌సీజీ సంస్థ గోద్రేజ్‌ కన్జూమర్‌ మార్చి త్రైమాసికంలో ఏకీకృత ప్రాతిపదికన రూ.363.24 కోట్ల నికర లాభాన్ని ప్రకటించింది. అంతక్రితం ఆర్థిక సంవత్సరం ఇదే త్రైమాసికంలో కంపెనీ రూ.365.84 కోట్ల నికర లాభాన్ని ఆర్జించింది. ఇదే సమయంలో మొత్తం కార్యకలాపాల ఆదాయం రూ.2,730.74 కోట్ల నుంచి రూ.2,915.82 కోట్లకు పెరిగింది. మొత్తం వ్యయాలు రూ.2,259.12 కోట్ల నుంచి రూ.2,535.05 కోట్లకు చేరాయి. పూర్తి ఆర్థిక సంవత్సరం (2021-22)లో కంపెనీ రూ.1,783.39 కోట్ల లాభాన్ని నమోదుచేసింది. 2020-21లో లాభం  రూ.1,720.82 కోట్లుగా ఉంది. మొత్తం ఆదాయం రూ.11,028.62 కోట్ల నుంచి రూ.12,276.5 కోట్లకు పెరిగింది.