ఇంటెలిక్సా చేతికి యువర్‌ సీవీరైటర్‌

ఈనాడు, హైదరాబాద్‌: హైదరాబాద్‌కు చెందిన సాఫ్ట్‌వేర్‌ డెవలప్‌మెంట్, ఎడ్యుటెక్‌ సంస్థ ఇంటెలిక్సా ఐటీ సొల్యూషన్స్, ఆన్‌లైన్‌లో రెజ్యూమెలను రాసేందుకు వీలు కల్పించే యువర్‌సీవీరైటర్‌.కామ్‌ను స్వాధీనం చేసుకుంది. సీవీ రైటింగ్‌ విభాగంలో ఉన్న అవకాశాలను అందిపుచ్చుకోవడంతో పాటు, బీ2సీ విభాగంలో వ్యాపారాన్ని పెంచుకునేందుకు ఈ స్వాధీనత తోడ్పడుతుందని ఇంటెలిక్సా మేనేజింగ్‌ డైరెక్టర్‌ ప్రీతమ్‌ తెలిపారు. ఈ రెండింటి భాగస్వామ్యంతో వినియోగదారులకు మరిన్ని సేవలను అందుబాటులోకి తీసుకొస్తామని వెల్లడించారు. మరింత వినూత్నంగా సీవీలను తయారు చేసుకునేందుకు అధునాతన సాంకేతికత వినియోగించనున్నట్లు పేర్కొన్నారు.