Published : 21 May 2022 02:36 IST

మెట్రో క్యాష్‌ అండ్‌ క్యారీ బైబై?

దిల్లీ: జర్మనీ రిటైల్‌ దిగ్గజ సంస్థ మెట్రో ఏజీ భారత్‌లోని క్యాష్‌ అండ్‌ క్యారీ  వ్యాపారాన్ని విక్రయించే యోచనలో ఉన్నట్లు సమాచారం. ప్రస్తుతం ఈ సంస్థకు దేశవ్యాప్తంగా 31 టోకు విక్రయ కేంద్రాలు  ఉన్నాయి. వీటిని 1.5- 1.75 బిలియన్‌ డాలర్ల (సుమారు రూ.11,625 కోట్లు- 13,500 కోట్ల)కు విక్రయించడం ద్వారా భారత్‌ నుంచి వైదొలగాలని మెట్రో భావిస్తున్నట్లు తెలుస్తోంది. భారత్‌లోని మెట్రో వ్యాపారాలను కొనుగోలు చేసేందుకు అమెజాన్‌, రిలయన్స్‌ రిటైల్‌, అవెన్యూ సూపర్‌మార్ట్స్‌ (డి-మార్ట్‌), టాటా గ్రూపు, లూలూ గ్రూపు, సమారా కేపిటల్‌, థాయ్‌లాండ్‌కు చెందిన ఖరోయో పోక్‌ఫాండ్‌ (సీపీ) గ్రూపులు ఆసక్తి చూపుతున్నాయని విశ్వసనీయ వర్గాలు వెల్లడించాయి. సరైన కొనుగోలుదారును వెతికేందుకు జేపీ మోర్గాన్‌, గోల్డ్‌మాన్‌ శాక్స్‌ను మెట్రో నియమించుకున్నట్లు సమాచారం. ప్రస్తుతానికైతే ఈ సంప్రదింపులు ప్రాథమిక దశలోనే ఉన్నట్లు తెలుస్తోంది. 2003 నుంచి భారత్‌లో మెట్రో కార్యకలాపాలు నిర్వహిస్తోంది.

Read latest Business News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని