ఎన్‌హెచ్‌పీసీ లాభం రూ.516 కోట్లు

దిల్లీ: మార్చి త్రైమాసికంలో ప్రభుత్వ రంగ సంస్థ ఎన్‌హెచ్‌పీసీ  రూ.515.90 కోట్ల ఏకీకృత నికర లాభాన్ని నమోదు చేసింది. 2020-21 ఇదే కాల లాభం రూ.482.35 కోట్లతో పోలిస్తే ఇది 7 శాతం ఎక్కువ. ఇదే సమయంలో కంపెనీ మొత్తం ఆదాయం రూ.2,100.12 కోట్ల నుంచి రూ.2,026.62 కోట్లకు చేరింది. 2021-22 పూర్తి ఆర్థిక సంవత్సరానికి ఏకీకృత నికర లాభం రూ.3,774.33 కోట్లకు చేరింది. 2020-21లో ఇది రూ.3,599.88 కోట్లుగా నమోదైంది. ఇదే సమయంలో మొత్తం ఆదాయం రూ.10,710.86 కోట్ల నుంచి రూ.10,152.84 కోట్లకు తగ్గింది. రూ.10 ముఖ విలువ కలిగిన ఒక్కో షేరుకు రూ.0.50 (5 శాతం) చొప్పున తుది డివిడెండ్‌ చెల్లించేందుకు కంపెనీ డైరెక్టర్ల బోర్డు సిఫారసు చేసింది. గత మార్చిలో ఒక్కో షేరుపై ప్రకటించిన మధ్యంతర డివిడెండ్‌ రూ.1.31కి ఇది అదనం.