చిన్న వ్యాపారులకు ఓయో హోటళ్లలో 60% రాయితీ

దిల్లీ: ఓయో సభ్యత్వం ఉన్న హోటళ్లలో చిన్న వ్యాపారులు గది అద్దెకు తీసుకుంటే, అద్దెలో 60 శాతం తగ్గింపు లభించనుంది. జూన్‌ 27 నుంచి జులై 3 వరకు ఈ తగ్గింపు పొందొచ్చని ఓయో తెలిపింది. ప్రపంచ ఎంఎస్‌ఎమ్‌ఈ (సూక్ష్మ, చిన్న, మధ్య తరహా సంస్థల) రోజు సందర్భంగా ఈ ఆఫర్‌ను ప్రకటించినట్లు వివరించింది. ఎంఎస్‌ఎమ్‌ఈ రంగంలోని వ్యాపార పర్యాటకులు ఈ తగ్గింపు పొందేందుకు అర్హులని వివరించింది. దేశవ్యాప్తంగా ఉనన సుమారు 2,000 ఓయో హోటళ్లలో 10,000కి పైగా గదుల నుంచి ఎంపిక చేసుకునే అవకాశం వారికి ఉందని పేర్కొంది. ఓయో యాప్‌, వెబ్‌సైట్‌, ఆన్‌లైన్‌ పర్యాటక ప్లాట్‌ఫామ్‌ ద్వారా బుక్‌ చేసుకుని, ఈ ఆఫర్‌ పొందొచ్చని ఓయో తెలిపింది. చెక్‌-ఇన్‌ సమయంలో బిజినెస్‌ కార్డును వాళ్లు చూపించాల్సి ఉంటుంది.