ముంబయిలో కేఫిన్‌ టెక్నాలజీస్‌ కార్యాలయం

దిల్లీ: షేరు రిజిస్ట్రీ సేవలు అందించే హైదరాబాదీ సంస్థ కేఫిన్‌ టెక్నాలజీస్‌ లిమిటెడ్‌, ముంబయిలో తన కార్యాలయాన్ని ఏర్పాటు చేసింది. దాదాపు 300 మంది ఉద్యోగులను ఆ కార్యాలయంలో నియమించనున్నట్లు సంస్థ వెల్లడించింది. గుజరాత్‌లోని గిఫ్ట్‌ సిటీకి విస్తరించాలనే ఆలోచన చేస్తున్నామని, తద్వారా జాతీయ, అంతర్జాతీయ సంస్థలకు సేవలు అందించే అవకాశం లభిస్తుందని కేఫిన్‌ టెక్నాలజీస్‌ పేర్కొంది. ఈ సంస్థ త్వరలో పబ్లిక్‌ ఇష్యూ (ఐపీఓ)కు రానుంది. దీనికి అనుమతి కోరుతూ ఇప్పటికే సెబీకి దరఖాస్తు చేసింది. ఈ సంస్థలో జనరల్‌ అట్లాంటిక్‌ సింగపూర్‌ ఫండ్‌ పీటీఈ లిమిటెడ్‌కు 74.94 శాతం వాటా ఉంది. కోటక్‌ మహీంద్రా బ్యాంకు గత ఏడాదిలో 9.98 శాతం వాటా కొనుగోలు చేసింది.