ఎంటార్‌ టెక్నాలజీస్‌కు రూ.175 కోట్ల ఆర్డరు

ఈనాడు, హైదరాబాద్‌: హైదరాబాద్‌కు చెందిన ఎంటార్‌ టెక్నాలజీస్‌కు స్వచ్ఛ ఇంధన విభాగంలో 22.12 మిలియన్‌ డాలర్ల(దాదాపు రూ.174.6 కోట్లు) ఎగుమతి ఆర్డరు లభించింది. ఇది జనవరి 2023 నుంచి జూన్‌ 2023 మధ్య పూర్తవుతుందని అంచనా. ఈ విషయంపై కంపెనీ ఎండీ, ప్రమోటరు పర్వత్‌ శ్రీనివాస్‌ రెడ్డి మాట్లాడుతూ ‘అంతర్జాతీయ కర్బన ఉద్గార తగ్గింపు లక్ష్యాల నడుమ స్వచ్ఛ ఇంధన రంగం వేగంగా వృద్ధి చెందుతోంది. ఈ రంగంలో మంచి స్థానాన్ని దక్కించుకోవడానికి తగిన అర్హతలు ఎంటార్‌కు ఉన్నాయ’ని అన్నారు.