ఒపెక్‌+ చమురు ఉత్పత్తి పెంపుతో పెట్రోలు ధరలు తగ్గకపోవచ్చు

న్యూయార్క్‌: ఒపెక్‌ చమురు కార్టెల్‌, అనుబంధ ఉత్పత్తి దేశాలు ముడి చమురు ఉత్పత్తిని పెంచాలని గురువారం నిర్ణయించాయి. అయితే ఈ పెంపుతో పంపుల వద్ద పెట్రోలు ధరలు తగ్గించడానికి, ఇంధన ద్రవ్యోల్బణంతో ఇబ్బందులకు గురవుతున్న అంతర్జాతీయ ఆర్థిక వ్యవస్థకు ఉపశమనం కలిగించేందుకు అవకాశం లేదని విశ్లేషకులు అంచనా వేస్తున్నారు. ఆగస్టు నుంచి రోజుకు 6,48,000 బ్యారెళ్ల ముడి చమురు ఉత్పత్తి పెంచాలని 23 సభ్య దేశాల ఒపెక్‌+ నిర్ణయించినా, ప్రపంచ అవసరాలకు ఇది ఎంత మాత్రం సరిపోకపోవచ్చని అభిప్రాయాలు వ్యక్తమవుతున్నాయి. ఒపెక్‌+ గత సమావేశంలోనూ ఉత్పత్తి పెంపు దిశగా నిర్ణయం వెలువరించింది. రోజుకు 4,32,000 బ్యారెళ్ల ముడి చమురు ఉత్పత్తిని పెంచింది.