సహజవాయువు అమ్మొచ్చు!

కమొడిటీస్‌

ఈ వారం

బంగారం

పసిడి ఆగస్టు కాంట్రాక్టు ఈవారం రూ.52,510 కంటే పైన కదలాడకుంటే.. ప్రతికూల ధోరణికి ఆస్కారం ఉంటుంది. తక్కువ నష్టభయంతో ట్రేడ్‌ చేసే వాళ్లు    రూ.52,250 వద్ద స్టాప్‌లాస్‌ పెట్టుకుని, రూ.51,085; రూ.50,909 లక్ష్యాలతో రూ.51,191; రూ.50,911 దిగువన కాంట్రాక్టును షార్ట్‌ సెల్‌ చేయడం మంచిదే. అమెరికా విడుదల చేసే కీలక ఆర్థిక గణాంకాలు, ఐరోపా కేంద్ర బ్యాంక్‌ వ్యాఖ్యలు, డాలరు కదలికలు పసిడి కాంట్రాక్టుకు దిశానిర్దేశం చేస్తాయి.

* ఎంసీఎక్స్‌ బుల్‌డెక్స్‌ జులై కాంట్రాక్టు రూ.14,273 కంటే దిగువన ట్రేడయితే రూ.14,207; రూ.14,108 వరకు అమ్మకాల ఒత్తిడికి లోనుకావచ్చు.

వెండి

వెండి సెప్టెంబరు కాంట్రాక్టు కిందకు వస్తే రూ.56,688 వద్ద మద్దతు లభించవచ్చు. ఇంకా పడిపోతే రూ.55,194కు చేరొచ్చు. ఒకవేళ పైకి వెళితే రూ.60,524 వద్ద నిరోధం ఎదురయ్యే అవకాశం ఉంది. ఈ స్థాయిని అధిగమిస్తే రూ.62,887; రూ.63,635 వరకు రాణించొచ్చు.

ప్రాథమిక లోహాలు

* రాగి జులై కాంట్రాక్టుకు రూ.651 వద్ద స్టాప్‌లాస్‌ పెట్టుకుని, రూ.693 లక్ష్యంతో రూ.658 సమీపంలో లాంగ్‌ పొజిషన్లు తీసుకోవచ్చు.

* సీసం జులై కాంట్రాక్టు రూ.172.45 కంటే దిగువన ట్రేడ్‌ కాకుంటే సానుకూలతకు అవకాశం ఉంటుంది. అందువల్ల రూ.168.65 వద్ద స్టాప్‌లాస్‌ను పరిగణిస్తూ కొనుగోళ్లకు మొగ్గు చూపడం మంచిదే.

* జింక్‌ జులై కాంట్రాక్టును రూ.275 దిగువన షార్ట్‌ సెల్‌ చేయొచ్చు. అయితే రూ.291.65 వద్ద స్టాప్‌లాస్‌ పెట్టుకోవాలి.

* అల్యూమినియం జులై కాంట్రాక్టు రూ.205 కంటే దిగువన ట్రేడ్‌ కాకుంటే కొనుగోళ్ల మద్దతు లభించొచ్చు. ఈ స్థాయి వద్ద స్టాప్‌లాస్‌ పెట్టుకుని, కొనుగోళ్లకు మొగ్గు చూపడం మేలే.

  ఇంధన రంగం

* ముడి చమురు జులై కాంట్రాక్టు రూ.8,808 కంటే పైన కదలాడితే రూ.8,978; రూ.9,171 వరకు పెరిగే అవకాశం ఉంది.

* సహజ వాయువు జులై కాంట్రాక్టుకు రూ.576 వద్ద స్టాప్‌లాస్‌ పెట్టుకుని, రూ.552- 554 దిగువన షార్ట్‌ సెల్‌ చేయడం మంచి వ్యూహమే అవుతుంది.

  వ్యవసాయ ఉత్పత్తులు

* పసుపు జులై కాంట్రాక్టు రూ.7,609 కంటే దిగువన ట్రేడ్‌ కాకుంటే రూ.7,976 వరకు పెరగొచ్చు.

* జీలకర్ర జులై కాంట్రాక్టు రూ.21,813 కంటే పైన కదలాడితే మరింతగా రాణించొచ్చు. తక్కువ నష్ట భయంతో ట్రేడ్‌ చేసే వాళ్లు రూ.21,386 ఎగువన షార్ట్‌ సెల్‌ పొజిషన్లకు దూరంగా ఉండటం మేలు.

* ధనియాలు జులై కాంట్రాక్టుకు అధిక స్థాయుల వద్ద అమ్మకాల ఒత్తిడి ఎదురుకావచ్చు. రూ.11,196 సమీపంలో మద్దతు లభించొచ్చు. ఈ స్థాయినీ కోల్పోతే రూ.11,008కి పడిపోవచ్చు. ఒకవేళ పైకి వెళితే రూ.11,500 వద్ద నిరోధం ఎదురుకావచ్చు. దీనిని కూడా అధిగమిస్తే రూ.11,619 వరకు కాంట్రాక్టు వెళుతుందని భావించవచ్చు.

- ఆర్‌ఎల్‌పీ కమొడిటీ అండ్‌ డెరివేటివ్స్‌