Published : 17 Sep 2021 03:07 IST

ప్రభుత్వ బాండ్లలో...

సీఐసీఐ ప్రుడెన్షియల్‌ మ్యూచువల్‌ ఫండ్‌ ఒక కొత్త బాండ్‌ పథకాన్ని ఆవిష్కరించింది. దీని పేరు ‘ఐసీఐసీఐ ప్రుడెన్షియల్‌ పీఎస్‌యూ బాండ్‌ ప్లస్‌ ఎస్‌డీఎల్‌ 40:60 ఇండెక్స్‌ ఫండ్‌- సెప్టెంబరు 2027’. ఈ పథకం కింద సమీకరించిన నిధులను పేరులో ఉన్నట్లుగానే నిఫ్టీ పీఎస్‌యూ బాండ్‌ ప్లస్‌ ఎస్‌డీఎల్‌ బాండ్‌-సెప్టెంబరు 2027, 40:60 ఇండెక్స్‌లో భాగంగా ఉన్న రుణ పత్రాలపై పెట్టుబడి పెడతారు. ఇందులో 40శాతం సొమ్మును ‘ట్రిపుల్‌ ఏ’ రేటెడ్‌ బాండ్లకు కేటాయిస్తారు. మిగిలిన 60 శాతం సొమ్మును రాష్ట్ర ప్రభుత్వాలు/కేంద్ర పాలిత ప్రాంతాలు జారీ చేసే రుణ పత్రాలకు (ఎస్‌డీఎల్‌- స్టేట్‌ డెవలప్‌మెంట్‌ లోన్స్‌) మళ్లిస్తారు. బాండ్లు అన్నీ సెప్టెంబరు 30, 2027 నాటికి గడువు పూర్తయ్యేవిగా ఉంటాయి. ప్రతి మూడు నెలలకోసారి పెట్టుబడుల పనితీరును విశ్లేషించి, తదనుగుణంగా మార్పుచేర్పులు చేస్తారు. ఈ ఫండ్‌ పథకం ఎన్‌ఎఫ్‌ఓ చివరి తేదీ ఈ నెల 27. కనీస పెట్టుబడి రూ.1,000. దాదాపు 8 ప్రభుత్వ రంగ సంస్థలు జారీ చేసిన బాండ్లు, 20 వరకూ రాష్ట్ర ప్రభుత్వాలు జారీ చేసిన రుణ పత్రాల్లో పెట్టుబడి పెట్టే అవకాశాన్ని ఈ ఫండ్‌ పథకం మదుపరులకు అందిస్తోంది. పూర్తిగా ఈక్విటీకే పరిమితం కాకుండా.. కొంత మేరుకు రుణ పత్రాల్లోనూ పెట్టుబడి పెట్టాలనుకునే వారికి, తక్కువ రిస్కు ఉన్న ప్రభుత్వ బాండ్లకు పరిమితం కావాలనుకునే వారికి ఈ పథకం అనువైనదిగా చెప్పొచ్చు.

Read latest Business News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts