లిక్విడిటి కోసం మ్యూచువ‌ల్ ఫండ్ల‌పై రుణాలు

బ్యాంకులు, బ్యాంకింగేత‌ర ఆర్థిక సంస్థ‌లు మ్యూచువల్ ఫండ్ పెట్టుబడులను హామీగా పెట్టుకుని రుణాలు ఇచ్చే విధానం అందుబాటులో ఉంది. ఈ త‌ర‌హా రుణాల్లో రుణ‌గ్ర‌హీత‌లు ఆస్తి మద్దతు ఇచ్చినందున, వ్యక్తిగత రుణాల కంటే వడ్డీ రేట్లు తక్కువగా ఉంటాయి. అయితే ఇది మ‌దుప‌ర్లు తీసుకునే బ్యాంకు నిబంధ‌న‌లపై ఆధార‌ప‌డి ఉంటుంది.

బ్యాంకుకు తాకట్టుగా మ్యూచువ‌ల్ ఫండ్లు ఉన్నంత కాలం మ‌దుప‌ర్లు మ్యూచువల్ ఫండ్ యూనిట్లను ఉప‌సంహ‌ర‌ణ చేయలేరు. మ‌దుప‌ర్లు రుణాల‌ను తిరిగి చెల్లించిన ప‌క్షంలో బ్యాంకులకు వాటిని ఉప‌సంహ‌రించి నిధులు పొందే అధికారం ఉంటుంది.

బ్యాంకులు, బ్యాంకింగేత‌ర ఆర్థిక సంస్థ‌లు ఆమోదం పొందిన మ్యూచువల్ ఫండ్ల జాబితాను కలిగి ఉంటుంది. వాటిని హామీగా ఉంచుకుని వారు రుణాలు ఇవ్వడానికి సిద్ధంగా ఉంటారు. దీనికి సంబంధించి మ‌దుప‌ర్లు బ్యాంకుతో మీరు ఒక ఒప్పందాన్ని కుదుర్చుకోవాలి. స‌ద‌రు బ్యాంకుకు మ్యూచువ‌ల్ ఫండ్ యాజమాన్యాన్ని మంజూరు చేయవలసి ఉంటుంది. త‌ద్వారా రుణ‌గ్ర‌హీత‌లు తీసుకున్నరుణం చెల్లించకపోయిన సంద‌ర్భంలో బ్యాంకులకు ఆ ఫండ్ యూనిట్ల‌ను విక్రయించే హక్కును ల‌భిస్తుంది.

మ్యూచువల్ ఫండ్లు లేదా సెక్యూరిటీలను త‌న‌ఖాగా ఉంచి రుణం పొందే అంశాన్ని మ‌దుప‌ర్లు చివరి ఎంపికగా ఉంచుకోవాలి. మ్యూచువల్ ఫండ్ల‌పై మార్కెట్ ప్ర‌భావం ఎక్కువ‌గా ఉంటుంది. ఈ విష‌యంలో డెట్ ఫండ్ల కంటే ఈక్విటీ ఫండ్ల‌లో మ‌రింత‌ ఎక్కువ మార్కెట్ న‌ష్ట‌భ‌యం ఉంటుంది. కాబ‌ట్టి మ‌దుప‌ర్లు ఈక్విటీ ఫండ్ల‌ను త‌న‌ఖాగా ఉంచి రుణం తీసుకునేముందు మ‌రింత ఆలోచించాలి.

మ్యూచువల్ ఫండ్ యూనిట్లపై రుణం ఖ‌ర్చుతో కూడుకొని ఉంటుంది. వడ్డీతో పాటు, ప్రాసెసింగ్ ఫీజు, వార్షిక నిర్వహణ ఛార్జీని కూడా వసూలు చేస్తారు. ఈ రుణాలపై వడ్డీ సాధారణంగా బంగారం త‌న‌ఖా రుణాల‌పై ఇచ్చే రుణాల కంటే ఎక్కువగా ఉంటుంది.