కారు రుణం ఆమోదం పొందడం ఎలా?
నేషనల్ క్యాపిటల్ రీజియన్ (ఎన్సీఆర్) పరిధిలోని 10 సంవత్సరాల నాటి డీజిల్, 15 సంవత్సరాల నాటి పెట్రోల్ వాహనాలను సుప్రీంకోర్టు నిషేధించడంతో, చాలా మంది వారి పాత వాహనాల స్థానంలో కొత్త వాహనాలను కొనుగోలు చేయడానికి ప్రయత్నిస్తున్నారు. దాని కోసం వాహన రుణాలను తీసుకోవాలని భావిస్తున్నారు. అయితే రుణ ప్రక్రియను సులభతరం
నేషనల్ క్యాపిటల్ రీజియన్ (ఎన్సీఆర్) పరిధిలోని 10 సంవత్సరాల నాటి డీజిల్, 15 సంవత్సరాల నాటి పెట్రోల్ వాహనాలను సుప్రీంకోర్టు నిషేధించడంతో, చాలా మంది వారి పాత వాహనాల స్థానంలో కొత్త వాహనాలను కొనుగోలు చేయడానికి ప్రయత్నిస్తున్నారు. దాని కోసం వాహన రుణాలను తీసుకోవాలని భావిస్తున్నారు. అయితే రుణ ప్రక్రియను సులభతరం చేయడానికి, అలాగే రుణ ఆమోదం పొందేదుకు మీరు తీసుకోవాల్సిన కొన్ని చర్యల జాబితాను మీకోసం కింద తెలియచేశాము.
మంచి క్రెడిట్ స్కోర్ ను కలిగి ఉండడం:
క్రెడిట్ స్కోరును మూడు అంకెల సంఖ్యగా పేర్కొంటారు. మీ రుణ విశ్వసనీయతను, రుణాన్ని తిరిగి చెల్లించే సామర్ధ్యాన్ని సూచించేది మీ క్రెడిట్ స్కోరు. 750 లేదా అంతకంటే ఎక్కువ స్కోరు ఉంటే దానిని మంచి క్రెడిట్ స్కోర్ గా పరిగణిస్తారు.
కారు రుణం కోసం దరఖాస్తు చేసుకునే ముందు, ఆన్ లైన్ క్రెడిట్ బ్యూరోల నుంచి ఉచితంగా మీ క్రెడిట్ రిపోర్ట్ ను డౌన్లోడ్ చేసుకోండి. ఇలా చేయడం ద్వారా ముందుగానే మీ క్రెడిట్ స్కోర్ గురించి అవగాహన పొందుతారు. ఒకవేళ మీ క్రెడిట్ స్కోర్ సరిగ్గా లేకపోతే, రుణ దరఖాస్తును నిలిపివేసి, స్కోర్ ను పెంపొందించుకోడానికి అవసరమైన చర్యలను తీసుకోండి.
మీ కారు రుణ దరఖాస్తును ఆమోదించడానికి ముందు ఎన్బీఎఫ్సీలు, బ్యాంకులు మీ క్రెడిట్ స్కోర్ ను తనిఖీ చేస్తాయి. ఒకవేళ మీ క్రెడిట్ స్కోరు ఎక్కువగా ఉన్నట్లైతే, మీరు ఎక్కువ మొత్తంలో రుణం పొందే అవకాశం ఉంటుంది. అందువలన మీరు కారు రుణ దరఖాస్తును సమర్పించే ముందు మీ క్రెడిట్ స్కోరు మంచిదో కాదో నిర్ధారించుకోవడం మంచిది.
డౌన్ పేమెంట్, పత్రాలను సిద్ధం చేసుకోండి:
సాధారణంగా కారు విలువలో 20 శాతం వరకు మొత్తాన్ని డౌన్ పేమెంట్ కింద మీరు చెల్లిస్తే, మిగిలిన మొత్తాన్ని బ్యాంకులు కారు డీలర్కు చెల్లిస్తాయి. అందువలన మీరు రుణం కోసం దరఖాస్తు చేసుకునే ముందే డౌన్ పేమెంట్ కోసం కావాల్సిన నిధులను ఏర్పాటు చేసుకోవాలి. కొందరు రుణదాతలు 100 శాతం వరకు నిధులు సమకూరుస్తున్నప్పటికీ, అదనపు ఖర్చుల కోసం రుణగ్రహీతలు కొంత మొత్తాన్ని సమకూర్చుకోవడం మంచిది. ఒకవేళ మీరు ఎక్కువ మొత్తాన్ని డౌన్ పేమెంట్ కింద చెల్లించినట్లైతే, తక్కువ మొత్తాన్ని రుణంగా తీసుకుని, తక్కువ వడ్డీని చెల్లించవచ్చు.
రుణం పొందడానికి అవసరమైన పత్రాల కోసం మీరు బ్యాంకు వెబ్ సైట్ ను సందర్శించి వాటిని సిద్ధం చేసుకోవాలి. ఇలా చేయడం ద్వారా మీ కారు రుణ దరఖాస్తు తిరస్కరణకు గురయ్యే అవకాశం తక్కువగా ఉంటుంది.
ఆదాయం, ఉద్యోగ చరిత్ర:
క్రెడిట్ స్కోర్ మాదిరిగా, మీరు పొందే ఆదాయం, మీ ఉద్యోగ చరిత్ర రుణ ఆమోదం పొందుతుందో లేదో వెంటనే నిర్ధారించలేవు. ఉదాహరణకు ఒకవేళ మీరు జీతం పొందే వ్యక్తి అయితే, మీరు కారు రుణాన్ని పొందడానికి రెండు సంవత్సరాల కంటే ఎక్కువ కాలం పాటు ఉద్యోగం చేస్తూ ఉండాలి. అదే విధంగా ప్రైవేటు లేదా పబ్లిక్ లిమిటెడ్ కంపెనీలు, స్వయం ఉపాధి పొందే వ్యక్తి కారు రుణాలను పొందడానికి రూ. 3,00,000 కంటే ఎక్కువ మొత్తంలో టర్నోవర్ కలిగి ఉండాలి.
తిరిగి చెల్లించే సామర్ధ్యం:
మీ ఆర్ధిక స్తోమతకు మించి రుణం కోసం దరఖాస్తు చేసుకున్నట్లైతే, అది తిరస్కరణకు గురయ్యే అవకాశం ఎక్కువగా ఉంటుంది. మీ చెల్లింపు సామర్థ్యాన్ని తెలుసుకోడానికి, మీరు కారు రుణ ఈఎంఐ కాలిక్యులేటర్ ను ఉపయోగించి రుణ ఈఎంఐని గుర్తించవచ్చు. రుణదాతల వెబ్ సైట్ ను సందర్శించి కారు రుణ ఈఎంఐ కాలిక్యులేటర్ ని ఉపయోగించుకోవచ్చు. రుణ కాలపరిమితి, ప్రిన్సిపల్ మొత్తం, వడ్డీ రేటు వంటి వివరాలను నమోదు చేయడం ద్వారా మీ రుణ ఈఎంఐను పొందవచ్చు.
మీ ప్రస్తుత రుణాలను సమయానికి చెల్లించండి:
మీ రుణ దరఖాస్తును ఆమోదించే సమయంలో, రుణదాతలు మీకు గతంలో ఏవైనా రుణాలు ఉన్నాయో లేదో తనిఖీ చేస్తారు. మీరు క్రెడిట్ కార్డు బిల్లులను, రుణాలను సమయానికి చెల్లించారో లేదో గుర్తించడానికి వారు ప్రయత్నిస్తారు. ఈఎంఐని చెల్లించకపోవడం లేదా రుణ చెల్లింపులో ఆలస్యం వంటి వాటి కారణంగా మీ క్రెడిట్ స్కోరు తగ్గుతుంది. అందువలన, మీ ప్రస్తుత రుణ ఈఎంఐలను సమయానికి చెల్లించాలని గుర్తుంచుకోండి. సరైన సమయానికి రుణ చెల్లింపులను చేయడం వలన మీ కారు రుణం ఆమోదం పొందే అవకాశం ఎక్కువగా ఉంటుంది.
చివరగా:
ఎప్పుడైతే మీరు కారు రుణాన్ని పొందాలని అనుకుంటారో, అప్పుడు మీరు మీ క్రెడిట్ స్కోర్, ఉద్యోగ హోదా, తిరిగి చెల్లించే సామర్ధ్యం, చెల్లింపుల చరిత్ర వంటి ఇతర విషయాలపై పూర్తిస్థాయిలో పరిశోధన చేయాల్సి ఉంటుంది. కారు రుణ ఆమోదానికి అనుసరించాల్సిన ప్రక్రియ గురించి పూర్తి వివరాలను తెలుసుకోవడం ద్వారా రుణం పొందే అవకాశాలను పెంచుకోవచ్చు.
కారు రుణాలపై వివిధ బ్యాంకులు అందించే వడ్డీ రేట్లను, ప్రాసెసింగ్ ఫీజులను ఒకసారి పరిశీలిస్తే…
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
కోటక్ బ్యాంకు షేరు ఢమాల్.. రూ.37,500 కోట్ల సంపద ఆవిరి!
-
కొండచరియల బీభత్సం.. చైనా సరిహద్దుల్లోని జిల్లాకు దేశంతో సంబంధాలు కట్
-
ఆడి కార్ల ధర పెంపు.. ఎప్పటి నుంచంటే?
-
కేంద్రమంత్రి ఆడియో క్లిప్ లీక్ చేయమన్నారు: రాజస్థాన్ మాజీ సీఎం గహ్లోత్పై ఆరోపణలు
-
ఫోన్ ట్యాపింగ్ కేసులో కీలక పరిణామం.. నిందితులపై సైబర్ టెర్రరిజం సెక్షన్లు
-
మన దగ్గర ఇదే సమస్య.. హార్దిక్ గురించి పిల్లలకూ చెబుతాం: వసీమ్ అక్రమ్