అపోహలు వీడితే ఆరోగ్య ధీమా
పెరిగిన వైద్య అవసరాలు.. చికిత్స వ్యయం, జీవన శైలిలో మార్పులు.. కాలుష్యం.. ఇలా ఎన్నో కారణాలు నేడు ఆరోగ్య బీమా అవసరాన్ని తప్పనిసరి చేస్తున్నాయి. ఆర్థిక ప్రణాళికలో ఈ పాలసీ కీలకంగా మారింది. కొవిడ్-19 పరిస్థితుల్లో ఎప్పుడు ఏ వైద్య అవసరం వస్తుందో చెప్పలేం.
పెరిగిన వైద్య అవసరాలు.. చికిత్స వ్యయం, జీవన శైలిలో మార్పులు.. కాలుష్యం.. ఇలా ఎన్నో కారణాలు నేడు ఆరోగ్య బీమా అవసరాన్ని తప్పనిసరి చేస్తున్నాయి. ఆర్థిక ప్రణాళికలో ఈ పాలసీ కీలకంగా మారింది. కొవిడ్-19 పరిస్థితుల్లో ఎప్పుడు ఏ వైద్య అవసరం వస్తుందో చెప్పలేం. పూర్తిస్థాయి ఆరోగ్య బీమా ఉంటేనే ఇప్పుడు కాస్త ధైర్యంగా ఉండగలం. ఈ నేపథ్యంలో ఈ బీమాపై ఉన్న అపోహలు.. వాటిలో వాస్తవాలు తెలుసుకునే ప్రయత్నం చేద్దాం.
అపోహ: చిన్న వయసులో అనవసరం..
వాస్తవం: చిన్న వయసులో ఉన్నవారికి ఆరోగ్య సమస్యలు తక్కువగానే ఉంటాయి. అంతమాత్రాన పూర్తిగా బీమాను విస్మరించలేం. ఈ వయసులో పాలసీ తీసుకుంటే ప్రీమియమూ తక్కువగానే ఉంటుంది. ఇక్కడ మరో విషయమా గమనించాలి. ఆరోగ్య బీమా తీసుకున్న వెంటనే అన్ని రోగాలకూ రక్షణ లభించదు. కొంతకాలం వేచి ఉండాలి. కొన్ని వ్యాధులకు ఇది 2-4 ఏళ్ల పాటు ఉంటుంది. అందుకే వీలైనంత తొందరగా పాలసీ తీసుకుంటే ఇలా వేచి ఉండే వ్యవధితో ఇబ్బంది ఉండదు. కాబట్టి, చిన్న వయసులో ఆరోగ్య బీమా అనవసరం అనే ఆలోచన విడిచి పెట్టాలి.
అపోహ: ఆసుపత్రిలో తప్పనిసరిగా 24 గంటలు ఉంటేనే పరిహారం వస్తుంది
వాస్తవం: వైద్య చికిత్స పద్ధతులు ఎప్పటికప్పుడు మారుతున్నాయి. ఆధునిక చికిత్సలో శస్త్రచికిత్సలు, కొన్ని రకాల ఆపరేషన్లకు ఎక్కువ సమయం పట్టడం లేదు. అదే పూట ఇంటికి వెళ్లిపోవచ్చు. గతంలో తప్పనిసరిగా ఉండాలనే నిబంధన ఉండేది. కానీ, ఇప్పుడు బీమా సంస్థలు డే కేర్ చికిత్సలకూ అనుమతినిస్తున్నాయి. కీమోథెరపీ, డయాలసిస్, కంటి శస్త్ర చికిత్స, రేడియోథెరపీ తదితర చికిత్సలకూ పరిహారం లభిస్తుంది. కొన్ని నిబంధనల మేరకు దంత చికిత్సలకూ పరిహారం లభిస్తుంది. కాబట్టి, పాలసీ తీసుకునేటప్పుడు నిబంధనలను పూర్తిగా అర్థం చేసుకునేందుకు ప్రయత్నించాలి. వేటికి పరిహారం వర్తిస్తుంది. వేటికి వర్తించదు అనేది ఒకటికి రెండుసార్లు పరిశీలించాలి.
అపోహ: బృంద బీమా సరిపోతుంది..
వాస్తవం: యాజమాన్యాలు తమ ఉద్యోగుల సంక్షేమం కోసం బృంద ఆరోగ్య బీమా సౌకర్యాన్ని అందిస్తున్నాయి. ఈ కార్పొరేట్ పాలసీలతో కొన్ని పరిమిత లాభాలుంటాయి. కొన్నిసార్లు ఇది పూర్తిగా సరిపోకపోవచ్చు. ఉద్యోగం మానేసినప్పుడు ఈ బృంద బీమా వర్తించదు. కాబట్టి, ఈ కార్పొరేట్ పాలసీకి తోడుగా.. సొంతంగా కుటుంబానికి అంతటికీ వర్తించే ఆరోగ్య బీమా తీసుకోవడం మర్చిపోవద్దు. వయసు పెరిగిన తర్వాత ఆరోగ్య బీమా తీసుకోవడం వల్ల అధిక ప్రీమియం చెల్లించాల్సి వస్తుంది. అదే సమయంలో కొన్నిసార్లు ముందస్తు వ్యాధుల చికిత్సకు కొంతకాలం వేచి ఉండాల్సి రావచ్చు. ఇది కొన్ని సందర్భాల్లో తీవ్ర ఇబ్బందులకు కారణమవుతుంది.
అపోహ: ఆన్లైన్లో కొనడం మంచిది కాదు
వాస్తవం: డిజిటలైజేషన్ ఇప్పుడు ప్రతి చోటా చూస్తున్నాం. ఆరోగ్య బీమా విషయంలోనూ ఇదే వర్తిస్తుంది. ఆన్లైన్లో పాలసీని కొనడం వల్ల ప్రీమియంలోనూ కాస్త రాయితీ లభిస్తుంది. చాలా బీమా సంస్థలు దీన్ని అందిస్తున్నాయి.
ఆరోగ్య బీమా పాలసీకి సంబంధించిన అన్ని వివరాలూ ఆన్లైన్లో సులభంగా లభిస్తాయి. పాలసీలను పోల్చుకొని చూసుకోవడమూ తేలిక. కాబట్టి, పాలసీల కొనుగోలులో పారదర్శకత ఉంటుంది.
అపోహ: ప్రీమియం తక్కువగా ఉండేవి తీసుకున్నా ఇబ్బంది లేదు.
వాస్తవం: చాలామంది తక్కువ ప్రీమియంతో ఉన్న పాలసీలను ఎంచుకునేందుకు ఆలోచిస్తుంటారు. ప్రీమియాన్ని పరిశీలించాల్సిన అంశమే అయినప్పటికీ.. పాలసీల ఎంపికలో ఇదే ప్రాధాన్యం కాకూడదు. పాలసీలోని ప్రధాన అంశాలు, వేచి ఉండే వ్యవధి, సహ చెల్లింపు, ఉప పరిమితులు ఇలా పలు అంశాలను గమనించాలి. తక్కువ ప్రీమియం వసూలు చేసే పాలసీల్లో ఇలాంటి నిబంధనలు ఎక్కువగా ఉంటాయి. కాబట్టి, ప్రీమియం ఆధారంగా పాలసీని ఎంచుకోవద్దు.
వైద్య చికిత్స ఖర్చులు పెరిగిన నేపథ్యంలో పాలసీని ఎంపిక చేసుకునేటప్పుడు ఎలాంటి సందేహాలకు తావుండకూడదు. మీకు అనుమానాలుంటే బీమా సంస్థ సలహాకేంద్రాన్ని, లేదా మీ సలహాదారుడిని అడిగి నివృత్తి చేసుకోండి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
జగన్.. ఈ 7 ప్రశ్నలకు సమాధానం చెప్పగలరా?: చంద్రబాబు సవాల్
-
సూచీల దూకుడు.. 900+ పాయింట్ల లాభంలో సెన్సెక్స్.. కారణమేంటి?
-
వరుస ఫ్లాప్స్ వల్లే రాజకీయాల్లోకి అడుగుపెట్టారా: కంగన సమాధానం ఏమిటంటే..?
-
రషీద్ బౌలింగ్లో సిక్స్లు.. ధోనీ సలహాలు పాటించా: సమీర్ రిజ్వీ
-
ఈనాడు.నెట్లో టాప్ 10 వార్తలు @ 1 PM
-
గూగుల్ కృత్రిమ మేధ నిపుణులకు జుకర్బర్గ్ గాలం?