రెండింటిలో ఏ ప‌న్ను విధానంతో మీకు ప్ర‌యోజ‌నం?

పాత పద్ధతిలో స్టాండర్డ్ డిడక్షన్, సెక్షన్ 80సి ( ప్రావిడెంట్ ఫండ్, పబ్లిక్ ప్రావిడెంట్ ఫండ్, జీవిత బీమా పాలసీ ప్రీమియం, ఎన్ఎస్సి, ఈఎల్ఎస్ఎస్, గృహ రుణం ఫై అసలు చెల్లింపు, 5 ఏళ్ల బ్యాంక్ లేదా పోస్ట్ ఆఫీస్ ఫిక్స్‌డ్ డిపాజిట్, యులిప్స్ , ట్యూషన్ ఫీ వంటివి ), 80 డి (ఆరోగ్య బీమా ప్రీమియం), 80సిసిడి (ఎన్పీఎస్ చెల్లింపులు), ఇంటి అద్దె భత్యం , గృహ రుణ వడ్డీ వంటి మినహాయింపులు, తగ్గింపులు లభిస్తాయి.

అయితే కొత్త పద్ధతిలో ఎటువంటి మినహాయింపులు, తగ్గింపులు లేకుండా, వివిధ శ్లాబుల‌లో తక్కువ పన్ను లెక్కిస్తారు. వ్యక్తులు తమకు అనుకూలమైన పద్ధతిని ఎంచుకోవచ్చు. ఏ పధ్ధతిని ఎంచుకుంటున్నారో ఆర్ధిక సంవత్సరం మొదట్లోనే తాము పనిచేసే సంస్థ వారికి రాత పూర్వకంగా ఇవ్వాలి . సంస్థ వారు ఆ పధ్ధతి లో పన్ను లెక్కించి, ఆ వ్యక్తి ఆదాయం నుంచి తీసి ప్రభుత్వానికి చెల్లిస్తారు. అయితే ఉద్యోగి పన్ను విధానాన్ని మార్చుకోదలచినట్లయితే , పన్ను రిటర్న్ దాఖలు చేసేటప్పుడు మార్చుకోవచ్చు. తద్వారా పన్నులో సర్దుబాట్లు జరుగుతాయి . అయితే కొన్ని మినహాయింపులు సంస్థ ద్వారానే క్లెయిమ్ చేయొచ్చు. అందువలన రిటర్న్ దాఖలు చేసేటప్పుడు ఈ మినహాయింపులు పొందలేకపోవచ్చు. అధిక పన్ను చెల్లించినట్లయితే , రిటర్న్ దాఖలు చేసి , తిరిగి పొందొచ్చు . ఈ కింది పట్టిక ద్వారా పాత , కొత్త శ్లాబుల‌నుతెలుసుకుందాము.

Table 1:

ఉదా : మోహన్ , వార్షిక ఆదాయం రూ. 8,25,000. అందులో బేసిక్ పే రూ. 4 లక్షలు, హెచ్ ఆర్ ఏ (HRA) రూ. 2లక్షలు. మోహన్ నెలకు రూ. 15 వేలు ఇంటి అద్దె చెల్లిస్తున్నాడు . అంటే వార్షిక అద్దె రూ. 1,80,000).
అయితే అతనికి లభించే మినహాయింపు రూ.1,40,000 మాత్రమే. HRA మినహాయింపు పొందేందుకు ఈ కింది మూడింటిలో ఏది తక్కువయితే అది ఉంటుంది :

1. జీతం ద్వారా పొందిన HRA (రూ. 2 లక్షలు)
2. చెల్లించిన అద్దె నుంచి బేసిక్ + డిఏ లో పది శాతం తీసివేయగా వచ్చిన మొత్తం (రూ.1,80,000 (-) రూ.40,000 = రూ.1,40,000)
3. మెట్రో నగరాల్లో ఉంటుంటే బేసిక్ + డి ఏ లో 50 శాతం , లేక ఇతర ప్రదేశాల్లో ఉంటుంటే 40శాతం = రూ.4 లక్షల్లో 50
   శాతం రూ .2 లక్షలు.
   కాబట్టి తక్కువ మొత్తం రూ.1,40,000 లను పరిగణనలోకి తీసుకోవాలి. మోహన్ ప్రావిడెంట్ ఫండ్ కింద నెలకు రూ. 4 వేలు చెల్లిస్తున్నాడు. వార్షికంగా రూ. 48 వేలు. ఈ కింది పట్టిక ద్వారా మోహన్ ఎంత పన్ను వర్తిస్తుందో చూద్దాం :

Table 2:

మోహన్ సెక్షన్ 80సి లో రూ 87,000 వరకు మదుపు చేసినట్లయితే , అతని పన్ను వర్తించే ఆదాయం రూ . 5 లక్షల లోపు అవుతుంది. రిటర్న్ దాఖలు చేయటం ద్వారా సెక్షన్ 87A కింద రూ. 12,500 ల పన్ను మినహాయింపు లభిస్తుంది. మోహన్ కి ఎటువంటి పన్ను ఉండదు.

చివరిగా : పాత పద్ధతిలో స్టాండర్డ్ డిడక్షన్ కింద రూ 50,000, సెక్షన్ 80సి కింద రూ.1,50,000. సెక్షన్ సిసిడి(1బి) కింద రూ. 50,000, ఆరోగ్య బీమా ప్రీమియం కింద రూ 25,000 = మొత్తం రూ 2,75,000 లను పరిగణించి , వివిధ ఆదాయాలకు పాత, కొత్త విధానాలలో ఎంత పన్ను వర్తిస్తుందో ఈ కింది పట్టిక ద్వారా తెలుసుకుందాం. రెండింటిలో ఏ ప‌న్ను విధానంతో మీకు ప్ర‌యోజ‌నం

Table 3: