ప్రైవేటు ఉద్యోగుల‌కు కూడా ఎల్‌టీసీ

ఆర్థిక మంత్రిత్వ శాఖ గురువారం ఎల్‌టిసి నగదు ఓచ‌ర్‌ పథకం ప్రయోజనాలను కేంద్ర‌ ప్రభుత్వ ఉద్యోగులకే కాకుండా రాష్ర్ట ప్ర‌భుత్వ‌, ప్ర‌భుత్వ యాజ‌మాన్య సంస్థ‌లు, ప్రైవేటు ఉద్యోగుల‌కు కూడా విస్తరించింది. కేంద్ర ప్రభుత్వేతర ఉద్యోగులకు కూడా ఎల్‌టిసి ఛార్జీలకు సమానమైన నగదు చెల్లించడానికి, ఆదాయ-పన్ను మినహాయింపు ఇవ్వాలని నిర్ణయించారు.

ఎల్‌టీఏ కింద, ఉద్యోగి కుటుంబం ప్రయాణ ఖర్చును సెలవుదినం లేదా ఉద్యోగుల సొంత పట్టణానికి వెళ్లే ప్ర‌యాణ ఖ‌ర్చుల‌ను సంస్థ తిరిగి చెల్లిస్తుంది. రీయింబర్స్‌మెంట్ పరిధి ఉద్యోగి హోదాకు లోబడి ఉంటుంది. కొన్ని షరతులకు లోబడి ఆదాయపు పన్ను చట్టం కింద ఎల్‌టీసీకి మినహాయింపు ఉంది. నాలుగు సంవత్సరాల బ్లాక్‌లో కేవలం రెండు ప్రయాణాలకు మాత్రమే మినహాయింపు అనుమతించబడుతుంది. ప్రస్తుత బ్లాక్ 2018-21.

కరోనావైరస్ మహమ్మారి నేపథ్యంలో ప్రయాణాలు లేనందున‌, ఉద్యోగులు ఇప్పుడు ఎల్‌టిసి ఛార్జీల పేరుతో సమానమైన నగదును పొందటానికి, ప్రయాణించకుండా ఎన్‌కాష్‌మెంట్‌ను పొందే అవకాశాన్ని కలిగి ఉన్నారు. ఎల్‌టిసి లేదా ఎల్‌టిఎ పన్ను మినహాయింపు భాగానికి బదులుగా ఉద్యోగులు ఇప్పుడు వస్తువులు, సేవలను కొనుగోలు చేయడానికి అర్హులు.

కేంద్ర ప్రభుత్వేతర ఉద్యోగులకు ఎల్‌టిసి ఛార్జీలు (రౌండ్ ట్రిప్) గా పరిగణించబడే వ్యక్తికి గరిష్టంగా, రూ.36,000 కు లోబడి నగదు భత్యం చెల్లింపు, షరతుల నెరవేర్పుకు లోబడి ఆదాయ-పన్ను మినహాయింపును అనుమతించాలని ఆర్థిక మంత్రిత్వ శాఖ తెలిపింది.

కేంద్రేతర ప్రభుత్వ ఉద్యోగి ఎల్‌టిసి ఛార్జీలను స్వీకరించడానికి, ఆదాయ-పన్ను మినహాయింపు పొంద‌డానికి కింది షరతులకు లోబ‌డి ఉండాలి

ఎ) 2018-21 బ్లాక్ సంవత్సరంలో వర్తించే ఎల్‌టీసికి బదులుగా, ఎల్‌టిసి ఛార్జీల కోసం ఉద్యోగి ఒక ఆప్ష‌న్ ఎంచుకుంటాడు
బి) ఉద్యోగులు ఎల్‌టిసికి మూడు రెట్లు విలువైన వస్తువులు లేదా సేవలను కొనుగోలు చేయాలి… ఒక సారి సెలవు ఎన్‌కాష్మెంట్ మొత్తాన్ని ఆహారేతర వస్తువులను కొనడం కోసం ఉప‌యోగించాలి.

సి) డిజిటల్ ప‌ద్ద‌తిలో జీఎస్‌టీ న‌మోదిత‌ విక్రేత నుంచి 12 శాతం లేదా అంతకంటే ఎక్కువ జీఎస్‌టీ వ‌ర్తించే వస్తువులపై డబ్బు ఖర్చు చేయాలి. ఇటువంటి కొనుగోలు డిజిటల్ మోడ్ ద్వారా జిఎస్‌టీ న‌మోదిత‌ విక్రేతలు లేదా సర్వీసు ప్రొవైడర్ల నుంచి ఉండాలి. ఉద్యోగి జీఎస్టీ సంఖ్యను, చెల్లించిన జీఎస్టీ మొత్తాన్ని సూచించే రసీదును పొందాలి. కొనుగోళ్లు 2020 అక్టోబర్ 12 నుంచి 2021 మార్చి 31 మధ్య ఉండాలి.

d) నిర్దేశిత వ్యవధిలో నిర్దేశిత వ్యయానికి మూడు రెట్లు తక్కువ ఖర్చు చేసిన ఉద్యోగికి ఎల్‌టిసి ఛార్జీలు, సంబంధిత ఆదాయ-పన్ను మినహాయింపును పొందటానికి అర్హత ఉండదు, రెండింటి మొత్తాన్ని నిబంధ‌న‌ల ప్రకారం తగ్గించాలి

రాయితీ పన్ను విధానం లేదా కొత్త పన్ను విధానంలో ఆదాయపు పన్ను చెల్లించే ఎంపికను ఉపయోగించిన వారు ఈ పథకానికి అర్హులు కాదు.

ఉదాహ‌ర‌ణ‌కు,
ఎల్‌టీసీ రూ.20,000 4 = రూ.80,000
ఖ‌ర్చు చేయాల్సిన మొత్తం రూ.80,0003 = రూ. 2,40,000
ఉద్యోగి రూ.2,40,000 లేదా అంత‌కంటే ఎక్కువ కొనుగోలు చేస్తే మొత్తం ఎల్‌టీసీ ల‌భిస్తుంది. దీంతో పాటు సంబంధించిన ఆదాయ‌పు ప‌న్ను మిన‌హాయింపు కూడా ల‌భిస్తుంది.అలాకాకుండా, ఉద్యోగి రూ.1,80,000 మాత్ర‌మే ఖ‌ర్చు చేస్తే 75 శాతం మాత్ర‌మే ఎల్‌టీసీ అంటే రూ.60,000 ల‌భిస్తుంది, ఆదాయ‌పు పన్ను మిన‌హాయింపు ఉంటుంది. ఒక‌వేళ అంత‌కుముందే ఉద్యోగి రూ.80,000 అడ్వాన్స్‌గా పొందితే తిరిగి రూ.20,000 రీఫండ్ చేయాల్సి ఉంటుంది.